Limowo

16 Lè sala Kora gason Izhar, gason Kohaf, gason Livay, jwenn épi Défann èk Abayranm, sé gason Ilayab-la, èk Onn gason Pilèf ki sòti an lafanmi Roubenn. 2 Épi apwé sa, yo èk dé san senkant «250» nonm Izwayèl lévé wévòt kont Moziz. Sé nonm sala sété chèf, moun yo té chwazi anpanmi pèp-la, moun ki té ni gwo pozisyon. 3 Konsa yo ansanblé ansanm kont Moziz épi Éronn, èk yo di yo: “Nou las épi zòt! Tout pèp-la sé moun ki sen, èk Jéhova anpanmi yo. Konsa, pouki pou zòt mété kò zòt anhò kongwigasyon Jéhova?”