Ditonronnonmi

4 “Kouté byen jan Izwayèl: Jéhova Bondyé nou sé yon sèl Jéhova. 5 Zòt sipozé enmen Jéhova, Dyé zòt, épi tout tjè zòt èk épi tout lam zòt èk épi tout kouway zòt. 6 Sé pawòl sala mwen ka konmandé zòt jòdi-a sipozé an tjè zòt. 7 Èk sé pou zòt fè yo antwé tjè sé ich zòt-la, épi palé konsèné yo lè zòt asiz an kay zòt, épi lè zòt ka maché asou chimen-an, épi lè zòt kouché, épi lè zòt lévé. 8 Mawé yo asou lanmen zòt pou zòt pa obliyé, èk yo sipozè kon an banndo asou fon zòt. 9 Ékwi yo asou poto kay zòt èk asou bayè zòt. 10 Lè Jéhova Bondyé’w fè’w antwé an péyi-a i té pwonmèt pou ba sé ayèl zòt-la, Abrahanm, Ayzak, èk Jakòb, zòt kay wè vil zòt pa té bati ki gwo èk bèl, 11 zòt kay wè kay ki plen tout kalité bon bagay zòt pa té twavay pou, èvèk zòt kay wè tou glo zòt pa té fouyé. Osi zòt kay wè jaden wézen èk pyé òliv zòt pa té planté, èk zòt kay manjé bouden zòt wèd. 24 Apwé sa, Jéhova té mandé pou nou obéyi tout sé konmandman sala èk pou nou ni kwentif pou Jéhova, Bondyé nou, pou tout bagay sa toujou alé byen ban nou, pou nou sa wèsté vivan, mannyè nou yé jòdi-a.