10. Sa Bib-la Ka Di Konsèné Sé Nanj-lan
1 SÉ NANJ-LAN SÉ MANM FANMI BONDYÉ
“Glowifyé Bondyé Senyè-a, zòt nanj ki ni pouvwa.”—Sam 103:20
Ki sa nou konnèt konsèné sé nanj-lan?
Jòb 38:4-7
Jéhova té fè sé nanj-lan avan I té fè latè-a.
-
La ni konmen milyon nanj.
-
Sé nanj-lan té toujou entéwésé an divwa Jéhova pou latè-a.
-
Sé nanj-lan entéwésé an chay an sé moun-lan ki ka adowé Bondyé.
2 SÉ NANJ-LAN KA ÉDÉ SÈVANT BONDYÉ
“Nanj Bondyé Senyè-a ka wèsté oliwon sé moun-an ki ni wèspé pou Senyè-a pou pwotèkté yo.”—Sam 34:7
Ki mannyè nou sav sé nanj-lan sa édé moun?
Jennésis 19:15, 16; Dannyèl 6:22; Louk 22:43; Twavay 12:6-11
Sé nanj-lan té édé Lòt, Dannyèl, Jézi èk Pita.
-
Jòdi, Jéhova ka sèvi sé nanj li-a pou édé èk pou pwotèkté sé sèvant li-a.
3 SÉ MOVÉ NANJ-LAN KA ÉSÉYÉ POU FÈ NOU MAL
“Mwen fè sa pou anpéché Satan jwenn an chans pou kwennen nou. Nou konnèt asé byen mannyè Satan ka twavay.”—2 Kòrint 2:11
Ki moun sé vyé lèspwi-a yé, èk pouki yo danjéwé?
-
Yon nanj té wébèl kont Jéhova. Non’y sé Satan.
-
An tan Nowa, adan sé nanj-lan té wébèl kont Bondyé èk yo té vini asou latè-a.
-
Sé nanj sala té sipòté wébèlyon Satan èk yo vini vyé lèspwi ében démou.
Ditonronnonmi 18:10, 11
Sé vyé lèspwi-a ka fè tout sa yo pé pou kwennen moun èk fè yo mal.
4 OU SA GOUMEN KONT SATAN ÈK SÉ VYÉ LÈSPWI-A
“Kon sa abésé kò’w bay Bondyé. Goumen kont Denmou èk I kay kouwi ba’w.”—Jémz 4:7
Ki mannyè Jéhova sa édé’w pou goumen kont Satan èk sé vyé lèspwi-a?
-
Jété tout bagay ki ni pou fè épi tjenbwa èben sé vyé lèspwi-a.
-
Étidyé Bib-la pou fè lafwa’w fò èk pwédyé pou pwotèksyon Bondyé.
Pwovèb 18:10
Sèvi non Jéhova.