11. Pouki La Ni Tèlman Soufwans?

1 JÉHOVA PA WÈSKONSAB POU PYÈS SOUFWANS

“I enposib pou Dyé vwé-a fè méchansté, pou Dyé Toupisan-an fè sa ki mové!”—Jòb 34:10 (New World Translation)

Pouki moun ka soufè tèlman an latè-a?

• 1 Jan 5:19

  Latè-a anba pouvwa Satan.

• Ékléziyastis 8:9

  Lézòm ka fè lézòt soufè.

• Ékléziyastis 9:11

  Délè moun ka soufè paski yo twapé kò yo adan an mové plas adan an mové lè.

• 1 Pita 5:7

  Jéhova enmen moun an chay. I pa kontan pou wè yo soufè.

2 SATAN VLÉ FÈ MOUN KWÈ JÉHOVA PA NI DWA-A POU KONDWI

“Bondyé konnèt ki . . . zyé’w kay ouvè èk ou kay vini menm kon Bondyé, ou kay konnèt sa ki bon èk sa ki mové.”—Jennésis 3:5 (New World Translation)

Pouki Jéhova pa té détwi Satan la menm?

• Jennésis 3:​2-5

  Satan té di, mannyè Bondyé ka kondwi pa bon. Satan té vlé lézòm kwè yo sa désidé pou kò yo sa ki bon èk sa ki mové.

• Jòb 38:7

  Douvan tout sé nanj-lan, Satan té di, mannyè Jéhova ka kondwi pa bon.

3 I A KLÈ SATAN SÉ AN VYÉ MANTÈ

“Sé pa dwa an nonm pou désidé ki koté pou mété pyé’y.”—Jérémaya 10:23 (New World Translation)

Pouki lézòm ja soufè pou an chay tan?

• Izaya 55:9

  Lézòm ja pasé plizyè diféwan kalité gouvèdman, mé yo pyès pa sa kondwi byen, san èd Bondyé.

• 2 Pita 3:​9, 10

  Jéhova ni pasyans èk I ka ban nou tan pou vini konnèt li èk pou nou chwazi’y kon Wa nou.

• 1 Jan 3:8

  Jéhova kay sèvi Jézi pou wanjé tout donmaj-la Satan ja fè.

4 SÈVI LIBÈTÉ’W POU ADOWÉ JÉHOVA

“Gason mwen, moutwé ou savan, pou mwen sa wéponn moun-lan ki ka pwovoké mwen-an.”—Pwovèb 27:11 (New World Translation)

Pouki Jéhova pa ka fòsé nou pou adowé’y?

• Pwovèb 30:24

  Jéhova pwogwanm sé zannimo-a pou fè bagay natiwèlman, mé Jéhova bay lézòm libèté-a pou chwazi. Alò, nou sa désidé si nou kay adowé Bondyé, èben si nou pa kay adowé’y.

• Mafyou 22:​37, 38

  Jéhova vlé nou adowé’y paski nou enmen’y.