Ki Moun Mwen Kay Envité?

Chak lanné nou ka fè gwan éfò pou envité moun an tèwitwa nou, pou vini sélébwé Mémoriyal-la épi nou. An chay di yo sé étwanjé, mé nou vlé envité moun nou konnèt osi. Byen souvan moun kay vini si yo twapé an envitasyon an lanmen on moun yo konnèt. (yb08-E 11 ¶3; 14 ¶1) Ki moun ou vlé envité?

• Lafanmi’w

• Moun ou ka twavay épi, ében moun ou ka alé lékòl épi

• Pwochen’w

• Moun ou ja palé épi an minis-la, moun ou té ka étidyé Bib-la épi, èk moun ou ka étidyé Bib-la épi

Osi, sé ansyen-an ka envité sé fwè-a èk sè-a ki pa aktif. Mé si an moun ou konnèt pa ka wèsté an tèwitwa’w? Ki sa ou sa fè? Ou sa twouvé lè-a èk koté-a Mémoriyal-la ka pwan kou an tèwitwa yo. Si ou alé asou jw.org asou intannèt-la, chwazi KI MOUN NOU YÉ, èk apwé chwazi “Mémoriyal.” Kon ou ka pwépawé pou sélébwé Mémoriyal-la pou lanné sala, katjilé asou ki moun ou sa envité, èk apwé ba yo an envitasyon.