“Jété Tout Fo Dyé”

Menm si Jéhova p’òkò té bay yo an lwa kont adowasyon fo dyé, Jakòb té konnèt sé Jéhova sèlman I té ni pou adowé. (Ègz. 20:3-5) Apwé Jéhova té di Jakòb pou viwé Bèfèl, Jakòb té di tout moun ki té épi’y pou jété tout idòl yo. Jakòb jété sé idòl-la, jik sé zanno-a yo té ka mété pitèt pou pwotèksyon. (Jen. 35:1-4) Nou sa asiwé ki, Jéhova té plè épi sa Jakòb té fè.

Jòdi, ki mannyè nou sa adowé Jéhova sèlman? Yon bagay nou oblijé fè sé pou wèsté hòd adowasyon fo dyé ében tjenbwa. Nou sipozé jété népòt bagay ki ni pou fè épi tjenbwa èk byen ègzanminé anmizman nou. Pou ègzanp, mandé kò’w: ‘Ès mwen kontan liv ében pòtwé ki ni bagay tèl kon vampaya, zonbi, ében moun ki ka sèvi pouvwa sé vyé lèspwi-a? Ès anmizman mwen ni bagay ki ni pou fè épi majik, modisyon ében tjenbwa?’ Nou sipozé wèsté lwen hòd népòt bagay Jéhova hayi.—Sam 97:10.

GADÉ VIDIYO-A “GOUMEN KONT DENMOU-A,” ÈK APWÉ WÉPONN SÉ KWÈSYON SALA:

• 

  Ki pwòblenm Palesa, yon étidyan Bib té ni?

• 

  Pouki I bon pou mandé sé ansyen-an pou èd, si sé vyé lèspwi-a ka anbété nou menm, ében an moun nou konnèt, ében an étidyan Bib?

• 

  Si nou vlé pwotèksyon Jéhova, ki kalité bagay nou sipozé jété?

• Ki sa Palesa té fè?

• Ki sa ou sa fè pou wèsté lwen hòd enflouwans sé vyé lèspwi-a?