Chéwi Wilasyon’w Épi Jéhova

Témwen Jéhova ni an pwivilaj ki spésyal. Kon Kwityen ki dèdiké èk batizé, nou ka kontiné pou dévlopé an bon wilasyon ki fò épi Sivwen-an Senyè nou Jéhova. I ja anmennen nou pou kò’y pa gason’y. (Jan 6:44) I ka kouté lapwiyè nou.—Sam 34:15.

Ki mannyè nou sa pwotéjé wilasyon spésyal sala épi Bondyé? Pwèmyé bagay, nou ni pou tjenn kò nou hòd sé mové bagay-la jan Izwayèl té fè. Touswit apwé yo fè agwéman-an pou adowé Jéhova tousèl, yo fè an ti bèf lò èk yo koumansé adowé’y. (Ègz. 32:7, 8; 1 Kòr. 10:7, 11, 14) Nou pé mandé kò nou: ‘Ki sa mwen ka fè lè mwen twapé tantasyon pou fè sa ki mové? Ès aksyon mwen ka moutwé mwen ka chéwi wilasyon mwen épi Jéhova?’ Lanmityé ofon tjè nou pou Jéhova, papa nou ki an syèl, kay édé nou pou kouwi hòd sé bagay-la I hayi.​—Sam 97:10.

GADÉ VIDIYO-A PWOTÉJÉ WILASYON’W ÉPI JÉHOVA (KÒL. 3:5), ÈK APWÉ WÉPONN SÉ KWÈSYON SALA:

• Ki sa anvyèj yé?

• Pouki nou sipozé widjèkté vowasité èk adowasyon fo dyé?

• Ki sa adiltè èk adowasyon fo dyé ni an konmen?

• Pouki moun ki mayé, sitou sa ki ni wèskonsabilité an ògannizasyon-an, sipozé fè asiwé yo pwan ka labizwen madanm yo ében mawi yo?