Jenn Moun, Ès Jéhova Sé Pli Bon Jan’w?

Ki kawaktè ou ka gadé pou adan an jan? Pitèt ou apwésyé an moun ki fidèl, janti, èk donnan. Jéhova ni tout sé kawaktè sala. (Ègz. 34:6; Twav. 14:17) I ka kouté lè ou ka pwédyé ba li. I ka édé’w lè ou bizwen èd. (Sam 18:19, 35) I ka pawdonnen lèwè’w. (1 Jan 1:9) Jéhova vwéman sé an bon jan!

Ki mannyè ou sa vini jan Jéhova? Ou sa li Pawòl li pou apwann konsèné’y. Ou sa di’y tout sa ki ofon tjè’w. (Sam 62:8; 142:2) Moutwé ou ka apwésyé sé bagay-la ki enpòtan pou Jéhova, tèl kon Gason’y, Wéyòm li, èk tout sé pwonmèt li-a pou tan-an ki ka vini. Di lézòt moun konsèné Jéhova. (Dito. 32:3) Si ou dévlopé an wilasyon ki pwé épi Jéhova, I kay jan’w pou tout tan.—Sam 73:25, 26, 28.

GADÉ VIDIYO-A JENN MOUN—‘GOUTÉ ÈK WÈ MANNYÈ JÉHOVA BON,’ ÈK APWÉ WÉPONN SÉ KWÈSYON SALA:

• 

  Ki mannyè ou sa pwépawé pou dèdikasyon èk batenm?

• 

  Ki mannyè lézòt an kongwigasyon-an sa édé’w pou sèvi Jéhova?

• 

  Ki mannyè minis-la sa fòtifyé wilasyon’w épi Jéhova?

• 

  Ki diféwan asaynman an sèvis Jéhova ou pé sa fè?

• Ki sa ou enmen konsèné Jéhova?