An Kanmpéyn Spésyal An Novanm Pou Di Moun Konsèné Wéyòm Bondyé

Jézi té déklawé “bon nouvèl Wéyòm Bondyé.” (Louk 4:43, NWT) Osi, I té enstwi pèp li pou pwédyé pou Wéyòm sala. (Maf. 6:9, 10) Diwan mwa Novanm, nou kay fè an éfò ki spésyal pou di moun konsèné Wéyòm Bondyé. (Maf. 24:14) Kon sa, wanjé zafè’w byen pou patisipé an plen an kanmpéyn sala. Tout moun ki ka wann sèvis kon piyonnè òkzilè sa chwazi pou fè twant (30) ében senkant (50) nèditan pou mwa sala.

Patajé an lévanjil konsèné Wéyòm Bondyé épi plizyè moun kon’y posib an tèwitwa’w. Lè’w ka chwazi an lévanjil, tjenn an lidé’w wilizyon sé moun-lan ou kay palé épi. Asou pwèmyé ti kozé-a, si moun-lan moutwé I antéwésé, bay moun-lan an kòpi Gad-la pou piblik-la Limowo 2 2020. Osi, pa tadé pou fè dézyenm ti kozé-a, èk éséyé pou koumansé an létid Bib adan an piblikasyon hòd Zouti Pou Fè Disip. La pa ni djè tan ankò avan Wéyòm Bondyé détwi tout gouvèdman ki ka òpozé’y. (Dann. 2:44; 1 Kòr. 15:24, 25) Alò, annou fè tout sa nou pé épi òpòtyounité spésyal sala, pou moutwé fidèlité nou pou Jéhova èk Wéyòm li!