Patajé Bon Nouvèl-la Ki, An Latè Nèf Tou Pwé!

Diwan mwa Novanm, nou kay fè yon éfò spésyal pou di moun latè nèf-la tou pwé. (Sam 37:10, 11; Wév. 21:3-5) Awanjé zafè’w pou ou sa fè tout sa ou pé an kanmpéyn sala. Si ou vlé wann sèvis kon an piyonnè òkzilè mwa sala, ou sa désidé pou mété twant (30) ében senkant (50) nèditan an minis-la.

Chwazi an lévanjil konsèné latè nèf-la, èk éséyé pou patajé lévanjil sala épi an chay moun. Lè ou ka désidé ki lévanjil pou patajé, tjenn an lidé’w kisa moun an tèwitwa’w antéwésé adan. Si an pwèmyé ti kozé-a moun-lan moutwé i antéwésé, ba li Gad-la Limowo 2 2021. Touswit apwé, fè éfò pou palé épi moun-lan ankò èk éséyé pou koumansé an létid Bib épi’y. Sèvi ti liv-la Ou Sa Ni On Bon Lavi Pou Tout Tan! pou fè létid Bib-la. I sé an plézi pou nou patajé épi lézòt moun ‘bon nouvèl konsèné an bagay ki pli mèyè’!—Izay. 52:7.

GADÉ VIDIYO MIZIK-LA LATÈ NÈF-LA KI KAY VINI, ÈK APWÉ WÉPONN SÉ KÈSTYON SALA:

• Ki bèl tan tifi-a ka katjilé asou?

• Kisa ou vlé èspéyansé an latè nèf-la?

• Lè ou pwan tan pou katjilé asou èspwa’w, ki mannyè sa kay édé’w pou fè tout sa ou pé an kanmpéyn-lan pou mwa Novanm?—Louk 6:45