Pawan, Enstwi Ich Ou Sa Yo Ni Pou Konnèt

Nou ka viv adan an latè ki ka éséyé fè nou kwè, bagay ki bon mové, èvèk bagay ki mové bon. (Izay. 5:20) Malèwèzman, adan moun ka fè bagay Jéhova hayi. Pou ègzanp nonm ka kouché épi nonm èk fanm ka kouché épi fanm. Kopowans sé ich nou-an an lékòl, èben lòt moun pé éséyé kyonnen yo pou swiv an vyé chimen. Ki mannyè ou sa pwépawé ich ou pou doubout fò anba tès sala èk lòt tès kon sa?

Pawan, enstwi ich ou sa yo ni pou konnèt konsèné wèg Jéhova. (Livi. 18:3) Mizi an mizi enstwi ich ou sa Bib-la ka di konsèné sèks. Sa ou kay di yo, kay dépan asou laj yo èk sa yo sa kopwann. (Dito. 6:7) Mandé kò’w: (1) ‘Ès mwen ja moutwé ich mwen ki kalité afèksyon ki bon èk ki kalité afèksyon ki pa bon? (2) Ès ich mwen konnèt pouki I enpòtan pou I abiyé adan an mannyè ki wèspèktab? (3) Ès ich mwen konnèt moun ni pou wèspèkté manm kò’y? èk (4) Ès ich mwen konnèt sa pou fè si an moun éséyé pou moutwé yo pòtwé ki sal, èben mandé yo pou fè an bagay ki kay déplè Jéhova?’ Si yo ja konnèt sa pou fè, sa kay édé yo évité an chay pwòblenm. (Pwov. 27:12; Éklé. 7:12) Lè ou enstwi ich ou sa yo ni pou konnèt, ou ka moutwé ou enmen bèl kado-a Jéhova ba’w.—Sam 127:3.

GADÉ VIDIYO-A BATI AN KAY KI KAY DIWÉ POU TOUT TAN—SÉ POU OU PWOTÉJÉ ICH OU KONT “SA KI MOVÉ,” ÈK APWÉ WÉPONN SÉ KWÈSYON SALA:

• 

  Pouki adan pawan ka pwan twòp tan avan yo palé épi ich yo konsèné sèks?

• 

  Pouki pawan sipozé enstwi ich yo, “menm kon an moun ki ka kwè an Senyè-a sipozé fè”?—Èfés. 6:4

• 

  Ki sa ògannizasyon Jéhova ja potjiwé pou édé pawan enstwi ich yo konsèné sèks?—w19.05-E 12, bwèt-la

• Pawan, pouki ou toujou ni pou konminiké épi ich ou avan yo twapé kò yo an pwòblenm?