LAVI NOU KON KWITYEN

Libèté An Tan Pou Vini—Gwanmèsi Jéhova Èk Jézi

Ki sa ou ka lité épi toulé jou? Ès ou sé an tèt fanmi ki ni an chay wèskonsabilité? Ès ou sé yon pawan ki ka otjipé fanmi’w pa kò’w? Ès ou sé an jenn moun èk jan lékòl ka ba ou an chay chalè? Ès ou malad, ében ès ou ka èspéyansé pwòblenm piski ou ja an laj? Tout moun ka débat épi kéchòy. An chay fwè èk sè nou ka aji épi plizyè pwòblenm a menm tan-an. Mé nou sav touswit, Jéhova kay libéwé nou anba sé pwòblenm sala.—2 Kòr. 4:16-18.

Jistan jou sala wivé, nou ka jwenn soulajman lè nou chonjé Jéhova ka konpwann sa nou ka débat épi. Jéhova kontan lè nou fidèl èk lè nou andiwé, èk I kay benni nou an chay. (Jér. 29:11, 12) Osi, Jézi entéwésé an nou tou. Kon nou ka fè twavay nou kon kwityen, Jézi pwonmèt nou: “Mwen kay toujou la épi’w.” (Maf. 28:20) Lè nou pwan tan pou mèdité asou libèté-a nou kay ni anba Wéyòm Bondyé, sa ka fòtifyé èspwa nou èk détèminasyon nou pou andiwé anba sé difikilté-a nou ka èspéyansé apwézan.—Ronm 8:19-21.

GADÉ VIDIYO-A KON MOVÉ TAN-AN KA APWOCHÉ, FIKSÉ ASOU JÉZI ÈK BENNÉDIKSYON WÉYÒM-LAN!, ÈK APWÉ WÉPONN SÉ KWÈSYON SALA:

Ki mannyè lézòm té vini kon étwanjé pou Bondyé? Ki sa wézilta-a té yé?
Ki sa Jéhova kay bay moun ki fidèl an tan pou vini?
Ki mannyè I posib pou nou enjwi bèl tan sala?
Ki sa ou vlé fè an latè nèf-la?

Sé pòtwé-a: Moun ka enjwi sé bennédiksyon-an an pawadi. 1. An sè ka anbwasé an moun ki wésisité. 2. Yo ka enjwi manjé alabondans, adan an latè ki nèt èk ki ni lapé. — Imajiné kò’w an latè nèf-la