LAVI NOU KON KWITYEN
Jéhova Ka Édé Nou Tjenbé Fò
Diwan sé dènyé jou sala nou ka èspéyansé an chay mové difikilté. Délè nou ka jis santi akwèdi nou pa sa sipòté sé difikilté-a nou ka èspéyansé-a. Kanmenm, si nou kontiné vansé pwé Jéhova, i kay édé nou pou tjenbé fò menm si nou ka èspéyansé difikilté ki byen téwib. (Izaya 43:2, 4) Ki mannyè nou sa vansé pwé Jéhova lè nou ka èspéyansé difikilté?
Lapwiyè. Lè nou ouvè tjè nou bay Jéhova an lapwiyè, i ka ban nou lapé an tjè nou èk an lidé nou, èk i ka ban nou fòs-la nou bizwen pou nou tjenbé fò.—Filipay 4:6, 7; 1 Tèsalonnika 5:17.
Sé mitin-lan. Atjwèlman pli pasé avan, nou bizwen manjé spiwityouèl-la épi bon asosiyasyon-an Jéhova ka ban nou an sé mitin-lan. (Hibrou 10:24, 25) Lè nou pwépawé pou sé mitin-lan, nou atandé yo, èvèk nou patisipé, nou ka twapé an chay bennéfis hòd lisentèspwi Jéhova.—Wévélasyon 2:29.
Minis-la. Si nou ka toujou pasé tan an minis-la, i kay pli ézé pou nou fiksé asou bagay ki pozitiv. Osi, lè nou ka toujou pasé tan an minis-la, sa ka édé nou pou vansé pli pwé Jéhova èk pli pwé sé fwè èk sè nou-an.—1 Kòrint 3:5-10.
GADÉ VIDIYO-A JÉHOVA KAY ÉDÉ’W WÈSTÉ FÒ LÈ OU KA ÈSPÉYANSÉ DIFIKILTÉ, ÈK APWÉ WÉPONN SÉ KÈSTYON SALA:
An vidiyo-a, kisa ki té édé Malu pou wèsté pwé Jéhova lè i té ka èspéyansé difikilté?
Lè ou ka èspéyansé difikilté, ki mannyè Sam 34:18 sa soulajé’w menm kon i té soulajé Malu?
Ki mannyè èspéyans Malu ka moutwé Jéhova ka ban nou “pouvwa-a” pou tjenbé fò lè nou ka èspéyansé difikilté?—2 Kòrint 4:7