Ès Ou Ka Pwépawé Pou Mémoriyal-la?

Dènyé Pasova Jézi té byen enpòtan. Jézi té kay mò touswit, konsa l fè wanjman pou sélébwé dènyé Pasova-a épi sé zapòt li-a. A lè sala l établi Wipa Senyè-a. l té voyé Pita épi Jan pou alé pwépawé chanm-lan koté yo té kay tjenn sélébwasyon-an. (Louk 22:7-13; gadé pòtwé-a asou kouvèti-a.) Sa ka fè nou chonjé ki, nou bizwen pwépawé pou Mémoriyal-la. Lanné sala, Mémoriyal-la kay pwan kou li 27 Mas. San dout, kongwigasyon-an ja fè wanjman pou bagay tèl kon pen-an, diven-an, èk yon fwè pou bay diskou-a. Mé ki sa nou chak sa fè pou pwépawé pou Mémoriyal-la?

Dévlopé pli apwésiasyon pou sakwifis Jézi. Li èk mèdité asou sé pòsyon Bib-la nou sipozé li pou Mémoriyal-la. Nou sa twapé sé lévanjil sala an ti liv-la, Examining the Scriptures Daily. Nou sa twapé pli lévanjil nou sa li, adan Appendix B12-A èk B12-B an New World Translation of the Holy Scriptures. (Osi ou sa gadé Ti Liv Mitin Nou pou mwa Avwi lanné 2020.) Fanmi sa twapé enfòmasyon asou enpòtans wanson-an yo sa diskité diwan létid fanmi yo. Yo sa jwenn enfòmasyon sala adan Watch Tower Publications Index ében Research Guide for Jehovah’s Witnesses.

Envité moun pou atandé. Fè tout sa ou pé diwan kanmpéyn-lan pou envité moun pou atandé Mémoriyal-la. Katjilé asou ki moun ou vlé envité. Pitèt moun tèl kon, moun ou ja palé épi an minis-la, moun ou té ka étidyé Bib-la épi, moun ou ka twavay épi, moun ou ka alé lékòl épi, èk fanmi’w. Osi, sé ansyen-an kay fè asiwé yo envité fwè èk sè ki pa aktiv. Menmsi moun-lan pa ka viv an tèwitwa’w, ou sa twapé lè-a èk lokasyon-an pou Mémoriyal-la koté moun-lan ka wèsté. Ou djòs ni pou alé asou jw.org, chwazi KI MOUN NOU YÉ èk chwazi “Mémoriyal.”

Ki lòt bagay nou sa fè pou pwépawé pou Mémoriyal-la?