Kontiné Étwennen Kò’w Pou Konpwann Diféwans-lan Ant Bon Èk Mové

An moun ki ka jwé spò ka kontiné étwennen manm li pou’y sa kontiné fè byen. An menm mannyè-a pou nou sa kontiné fè byen, nou ni pou kontiné fè éfò pou étwennen kò nou pou apwann diféwans-lan ant bon èk mové. (Hib. 5:14) Magwé i ézé pou fè sa lézòt ka fè, nou ni pou apwann mannyè pou katjilé èk fè disizyon pou kò nou menm. Pouki sa enpòtan? Sa enpòtan paski chak di nou ni pou bay Bondyé an wépons pou sa nou fè.—Ronm 14:12.

Menm si nou ja batizé pou plizyè lanné, sa pa vlé di nou kay toujou fè bon disizyon. Konsa, pou nou fè bon disizyon nou ni pou apiyé konplètman asou Jéhova, Pawòl li, èk ògannizasyon’y.—Jòch. 1:7, 8; Pwov. 3:5, 6; Maf. 24:45.

GADÉ VIDIYO-A “TJENN KONSYANS OU KLÈ,” ÈK APWÉ WÉPONN SÉ KÈSTYON SALA:

• 

  Ki disizyon Emma té ni pou fè?

• 

  Lè on moun ni pou fè on disizyon, pouki nou pa vlé di’y sa pou fè?

• 

  Ki bon konsèy yon fanmi té bay Emma?

• 

  Ki koté Emma té twouvé enfòmasyon ki té sa édé’y an sitiwasyon’y?