Ès Ou Ka Éséyé Pou Wè Mannyè Jéhova Ka Wéponn Lapwiyèʼw?

Bib-la plen ègzanp sèvant Jéhova ki té kwiyé asouʼy an lapwiyè èk mannyè Jéhova té wéponn lapwiyè yo. Lè yo té wè mannyè Jéhova kouté lapwiyè yo èk i édé yo, sa té fòtifyé lafwa yo. Konsa, lè nou ka pwédyé, i bon pou di Jéhova ègzaktiman sa ki asou lidé nou. Di Jéhova sa ki ka twakasé lidéʼw. Di Jéhova saʼw bizwen. Èk éséyé pou wè mannyè i kay wéponn lapwiyèʼw. Mé chonjé, wépons Jéhova pé diféwan épi sa ou kwè i kay fè. (2 Kòr. 12:7-9; Èfés. 3:20) Koumannyè Jéhova pitèt kay wéponn lapwiyè nou? Jéhova kay . . .

• ban nou fòs épi kouway.​—Filip. 4:13

• ban nou lasajès pou fè bon disizyon.​—Jémz 1:5

• ban nou dézi èk pouvwa pou fè bagay pou plèʼy.​—Filip. 2:13

• ban nou lapé an tjè nou épi an lidé nou.​—Filip. 4:6, 7

• ban nou lòt moun pou konfòté nou, pou enkouwajé nou èk pou ban nou sa nou bizwen.​—1 Jan 3:17, 18

• édé sé moun-lan nou pwédyé pou.​—Twav. 12:5, 11

GADÉ VIDIYO-A JÉHOVA ‘KA TANN LAPWIYÈʼ, ÈK APWÉ WÉPONN SÉ KWÈSYON SALA:

• Ki mannyè èspéyans fwè Shimizu sa enkouwajé nou lè nou pa sa fè djè a kòz di maladi?

• Ki mannyè nou sa imité ègzanp fwè Shimizu?