Moun Ki Mayé Sipozé Wèsté Ansanm Pou Tout Lavi Yo

Lè dé moun ki Kwityen ni an bon mawiyaj, yo ka ni tjè kontan épi mawiyaj yo ka onnowé Jéhova. (Mak 10:9) Mé pou Kwityen ni an bon mawiyaj ki kay diwé, yo ni pou swiv pwensip Bib lè yo ka chwazi an moun pou mayé.

I pa bon pou chwazi an moun pou mayé lèʼw twò jenn. Paski a lè sala ou pʼòkò ni asé èspéyans pouʼw sa fè an bon disizyon. (1 Kòr. 7:36) Sèvi tan-an ou ni avanʼw mayé pou fòtifyé wilasyonʼw épi Jéhova, épi pou dévlopé bon kawaktè Kwityen. Konsa pli ta, siʼw désidé pou mayé, bon wilasyonʼw épi Jéhova, épi bon kawaktè Kwityen kay édéʼw pou ni an bon mawiyaj.

Avan ou dakò pou mayé an moun, pwan asé tan pouʼw vini konnèt moun sala byen. (1 Pita 3:4) Si la ni bagay konsèné moun-lan ou vlé mayé épi-a ou pa kontan, palé épi moun-lan konsèné sé bagay sala. Chonjé, lèʼw mayé, ou sipozé fiksé pli asou sa ou ka bay pasé asou sa ou ka wisouvwè. (Filip. 2:3, 4) Siʼw ka swiv pwensip Bib an laviʼw avan ou mayé, lèʼw mayé i kay pli ézé pouʼw kontiné swiv pwensip Bib an mawiyaj ou, èk ou kay ni an bon mawiyaj.

GADÉ VIDIYO-A PWÉPAWÉ POU MAWIYAJ—TWAZYENM PA-A: ‘KATJILÉ AVANʼ, ÈK APWÉ WÉPONN SÉ KWÈSYON SALA:

• Ki diféwan bagay Shane épi sésé-a té ka fè pou konnèt yonn a lòt pli mèyè?

• Apwé an tan kisa sè-a té òbzòvé épi Shane?

• Ki mannyè pawan sè-a té édéʼy, èk ki bon disizyon i té fè?