Bèwjé Ki Ka Fè Tout Sa Yo Pé Pou Édé Pèp Jéhova

An chay moun pa ka konfyé moun an lotowité, èk nou sa konpwann poutji yo ka santi kon sa. Sa sé paski dépi an tan lontan, lézòm ka mal sèvi lotowité yo pou twapé bennéfis pou kò yo. (Mayka 7:3) Mé nou kontan sé ansyen-an an sé kongwigasyon-an ja twapé entwennman asou mannyè yo sa sèvi lotowité yo pou édé pèp Jéhova.—Èsta 10:3; Mafyou 20:​25, 26.

Sé ansyen-an pa kon moun an latè-a ki ni lotowité. Yo ka gadé apwé pèp Jéhova paski yo enmen Jéhova èk sé fwè èk sè-a. (Jan 21:16; 1 Pita 5:​1-3) Anba diwèksyon Jézi, sé ansyen-an ka édé chak fwè èk sè pou santi yo vwéman sé an pa an fanmi Jéhova. Osi, yo ka édé yo pou wèsté pwé Jéhova. Èk yo toujou pawé pou bay sé fwè èk sè-a ankouwajman, pou édé yo lè an sitiwasyon mèdikal fèt sibitman, ében lè an dézas fèt. Alò, si ou bizwen èd, ou pa ni pou pè pou palé épi yon ansyen an kongwigasyon’w.—Jémz 5:14.

GADÉ VIDIYO-A BÈWJÉ KI KA OTJIPÉ PÈP BONDYÉ, ÈK APWÉ WÉPONN SÉ KÈSTYON SALA:

• Ki mannyè sé ansyen-an té édé sésé Mariana?

  Wépons ou

• Ki mannyè sé ansyen-an té édé fwè Elias?

  Wépons ou

• Apwé ou gadé vidiyo sala, ki mannyè ou ka santi konsèné twavay-la sé ansyen-an ka fè?

  Wépons ou