LI 29 JWIYÈT–LI 4 AWOU
SAM 69
Chanson 13 èk Lapwiyè | Pwèmyé Ti Pawòl (1 minit)
1. Sam Swasant Nèf (69) Té Mansyonnen Sé Bagay-la Ki Té Kay Wivé Jézi
(10 minit)
Moun té hayi Jézi san pyès wézon. (Sam 69:4; Jan 15:24, 25; w11-E 8/15 11 ¶17)
Lanmityé Jézi pou kay Bondyé té kon difé an tjè’y. (Sam 69:9; Jan 2:13-17; w10-E 12/15 8 ¶7-8)
Jézi té èspéyansé lapenn an tjè’y; yo osi ofè’y vinèg pou bwè. (Sam 69:20, 21; Mafyou 27:34; Louk 22:44; Jan 19:34; g95-E 10/22 31 ¶4; it-2-E 650)
MÈDITÉ ASOU SA: Poutji Jéhova mété sé pwofèsi-a konsèné Mèsaya-a an sé lévanjil Hibrou-a?
2. Fouyé Bib-la Pou Twapé Wichès
(10 minit)
Sam 69:30, 31—Ki mannyè sé vèwsé sala sa édé nou pou pwédyé pli mèyè? (w99-E 1/15 18 ¶11)
Ki bèl ti pwen ou twapé an Sam 69 ou vlé patajé épi kongwigasyon-an?
3. Li On Pòsyon An Bib-la
(4 minit) Twavay 21:1-16 (th lison 2)
4. Ni Pasyans—Mannyè Jézi Moutwé I Té Ni Pasyans
(7 minit) Diskasyon. Jwé VIDIYO-A, Jézi Té Ni Pasyans Lè’y Té Ka Édé Fwè’y èk apwé diskité lmd lison 8 limowo 1-2.
5. Ni Pasyans—Swiv Ègzanp Jézi
(8 minit) Diskasyon ki bazé asou lmd lison 8 limowo 3-5 èk “Osi Ou Sa Li Ében Kouté Sé Lévanjil Sala”.
Chanson 134
6. Sa Nou Bizwen
(5 minit)
7. Pwensip Ki Sa Édé Nou Enjwi Létid Fanmi Nou
(10 minit) Diskasyon.
An tan pasé nou té ni dé (2) mitin an mitan simenn-lan. Kanmenm an Janvyé lanné dé mil nèf (2009), yo wiplasé sé dé mitin sala épi yon mitin. Konsa fanmi té ni an swè an simenn-lan pou fè létid fanmi yo. Alò an chay fwè èk sè ja di mannyè yo apwésyé awanjman sala, paski i ka édé yo vansé pli pwé Jéhova èk pli pwé yonn a lòt.—Ditonronnonmi 6:6, 7.
Ki pwensip ki sa édé tèt fanmi tjenn létid fanmi yo toulé simenn èk adan an mannyè pou fè tout moun enjwi’y?
Tjenn létid fanmi-an toulé simenn. Chwazi an lè pou fè létid fanmi-an toulé simenn. Osi toujou tjenn an lòt jou an lidé si antouka an bagay fèt.
Pwépawé byen. Mandé madanm ou èk tanzantan ich ou, pou sijèsyon konsèné sa zòt sa fè pou létid fanmi-an. Èk ou pa ni pou fè twòp pwépawasyon, èspwèsman si la ni bagay fanmi-an ka enjwi fè toulé simenn.
Pwépawé létid fanmi’w silon sa fanmi’w bizwen. Kon manmay ou ka pwofité, la kay ni chanjman an abilité yo èk an sa yo bizwen. Alò létid fanmi-an sipozé édé chak moun an fanmi-an pou fòtifyé lafwa yo, èk vansé pli pwé Jéhova.
Moutwé lanmityé èk fè tout moun santi konfòtab. Ou pa ni pou toujou fè létid fanmi’w andidan kay-la. Délè ou sa fè létid fanmi’w dèwò. Osi, diwan létid fanmi-an ou sa pwan an ti pòz tanzantan. Èk magwé i bon pou diskité pwòblenm manmay ou ka aji épi, pwan pokosyon pou pa sèvi létid fanmi-an pou kwititjé ében kowijé yo.
Fè diféwan bagay. Pou ègzanp ou sa pwépawé pou sé mitin-lan. Ou sa gadé ében diskité diféwan vidiyo asou jw.org, ében ou sa pwatiké sa ou kay di an minis-lan. Osi, magwé nou vlé sèvi pli tan pou palé épi yonn a lòt diwan létid fanmi-an, nou sa sèvi an ti tan diwan létid-la pou chak moun an fanmi-an fè létid pèsonnèl li padan tout moun ansanm.
Diskité kwèsyon sala:
Ès ou ja sèvi sé pwensip sala an létid fanmi’w?
8. Létid Labib Nou
(30 minit) bt chapit 13 pawagwaf 8-16, èk bwèt-la asou paj 105