LI 5-LI 11 AWOU

WICHÈS KI AN BIB-LA

1. ‘Di Lòt Jennéwasyon-an’ Konsèné Pouvwa Bondyé

(10 minit)

David èspéyansé pwotèksyon Jéhova lè’y té jenn. (Sam 71:5; w99-E 9/1 18 ¶17)

David té santi sipò Jéhova lè’y té an vyéyès li. (Sam 71:9; g04-E 10/8 23 ¶3)

David sèvi sé èspéyans li-an pou ankouwajé moun ki té jenn. (Sam 71:17, 18; w14-E 1/15 23 ¶4-5)

The family portrayed in last week’s part “Principles for Family Worship Evening.” They host an older couple for family worship and listen joyfully as the couple show photos and recount experiences.

MANDÉ KÒ’W: ‘Ki fwè èben sè an kongwigasyon-an ki an laj mwen vlé envité asou Létid Fanmi mwen èk mandé kèstyon?’

2. Fouyé Bib-la Pou Twapé Wichès

(10 minit)

Sam 72:8—Ki mannyè pwonmèt-la Jéhova té fè bay Abrahanm an Jennésis 15:18 té fèt vwé lè Sòlomonn té Wa? (it-1-E 768)

Wépons ou
Ki bèl ti pwen ou twapé an Samz 70-72 ou vlé patajé épi kongwigasyon-an?

Wépons ou

3. Li On Pòsyon An Bib-la

(4 minit) Twavay 23:1-15 (th lison 5)

APWANN ENSTWI PLI BYEN

4. Mannyè Pou Koumansé An Konmézasyon

(3 minit) LÈ’W KA PWÉCHÉ KAY AN KAY. Si moun-lan vlé chikannen, doubout konmézasyon-an adan on bon mannyè avan babyé-a pété. (lmd lison 4 limowo 5)

5. Sa Pou Fè Lè’w Viwé Kozé Épi On Moun

(4 minit) BAY ON TÉMWENNAJ LÈ’W PA AN MINIS-LA. Kontiné on konmézasyon épi on moun an fanmi’w ki pa vlé étidyé Bib-la. (lmd lison 8 limowo 4)

6. Mannyè Pou Èspliké Sa Ou Ka Kwè Adan

(5 minit) Diskou. ijwfq-E 49—Tit-la: Pouki Témwen Jéhova Chanjé Adan Bagay Yo Ka Kwè Adan? (th lison 17)

LAVI NOU KON KWITYEN

7. Sijèsyon Pou Létid Fanmi

(15 minit) Diskasyon.

The family shown earlier standing and practicing a Kingdom song.

The family watching a JW Broadcasting program.

One of the daughters from the family replying to the mother during a Family Worship practice session.

Létid Fanmi-an sé an bon òpòtyounité pawan sa sèvi pou lévé ich yo adan an bon mannyè, épi pou édé yo dévlopé lafwa an Jéhova. (Èfésòs 6:4) Magwé i ka pwan an chay éfò pou manmay apwann, yo sa enjwi fè sa èspwèsman lè yo dévlopé an dézi pou konnèt pli konsèné lavéwité-a ki an Bib-la. (Jan 6:27; 1 Pita 2:2) Gadé bwèt-la “Sijèsyon Pou Létid Fanmi” ki kay édé pawan fè Létid Fanmi-an adan an mannyè pou ich yo apwann èk enjwi Létid Fanmi-an. Èk apwé diskité sé kèstyon sala:

Kilès an sé sijèsyon sala ou vlé éséyé sèvi?

Wépons ou
Ès la ni an lòt bagay ki ka twavay byen pou fanmi’w?

Wépons ou

SIJÈSYON POU LÉTID FANMI

BIB-LA:

Kouté òdiyo-a pou lévanjil-la pou simenn-lan, ében diféwan moun an fanmi-an sa li diféwan pòsyon an lévanjil-la. Osi, chak moun sa chwazi an diféwan kawaktè an lévanjil-la èk li pòsyon-an pou kawaktè-a.
Pwépawé kèstyon ki bazé asou lévanjil-la pou simenn-lan; èk fè chak moun an fanmi-an chwazi an kèstyon èk fè wichach asou’y, épi apwé yo sa di fanmi-an sa yo apwann.
Ou sa mandé an kwèsyon èben lévé an sitiwasyon; èk apwé fè wichach asou pwensip Bib an liv-la Scriptures for Christian Living, ki ni pou fè épi kwèsyon-an ében sitiwasyon-an.
Chwazi an wakont an Bib-la; èk fanmi-an sa fè an dranma asou wakont sala.
Toulé simenn ékwi an lévanjil asou an papyé, èk dèyè papyé-a ékwi sa lévanjil-la ka di. Osi éséyé apwann lévanjil-la pa tjè. Èk chak simenn zòt sa wivizé sé lévanjil-la zòt ja apwann. Pou ègzanp ou sa twapé lévanjil anba sèksyon-an Lòt Enfòmasyon Ou Sa Li Ében Kouté—Pwèmyé Pa-a, an ti liv-la Enmen Moun Èk Édé Yo Vini Disip Jézi.
Étidyé an pòsyon an liv-la Ou Sa Ni On Bon Lavi Pou Tout Tan!
Ou sa bay diféwan moun an fanmi-an ansayman-an pou bay an wapò asou yonn an sé atik-la anba sèksyon-an “Sé Wépons-lan Bib-la Ka Bay” ében “Bible Verses Explained”. Nou ka twapé yo anba “LÉSISYON LABIB” asou jw.org.

SÉ MITIN-LAN:

Pwépawé an pòsyon an mitin-lan pou kongwigasyon-an.
Pwépawé èk pwatiké diféwan wépons ou vlé bay an sé mitin-lan. Éséyé pou fè sa an twant sèkon ében mwens.
Pwatiké sé chanson-an nou kay chanté an sé mitin-lan.
Diskité èk pwatiké sa ou sa di pou ankouwajé an moun avan ében apwé lòt mitin-lan.
Yon moun an fanmi-an sa pwatiké douvan fanmi-an yon pa èben ansayman i kay ni an yonn an sé mitin-lan.

MINIS-LA:

Pwépawé pou pwéché kay an kay an minis-la.
Pwépawé pou viwé kozé épi moun ki té moutwé lantéwé.
Pwatiké mannyè ou sa koumansé an konmézasyon épi an moun lè ou pa an minis-la.
Diskité mannyè ou sa fè pli an minis-la diwan sézon Mémoriyal-la, ében lè ou pwan vakans hòd lékòl ében twavay ou.

SA FANMI-AN BIZWEN:

Pwatiké mannyè ou sipozé aji épi an sitiwasyon ou ka èspéyansé ében ou pé èspéyansé. Pou ègzanp, (1) mannyè pou pa mélé kò nou an zafè latè-a, (2) sa nou sa fè si an moun ka pèsikité nou, (3) si nou enmen an moun, ében (4) si nou anba chalè pou patisipé an sélébwasyon latè-a.
Pwatiké an sitiwasyon koté pawan ka pwan plas ich yo. Sé manmay-la ka fè wichach asou an sijé èk yo ka wézonnen épi pawan yo.

LÒT SIJÈSYON:

Gadé èk diskité an pwogwanm asou JW Broadcasting^®.
Li an atik ében gadé an vidiyo asou jw.org, èk apwé diskité atik-la ében vidiyo-a.
Konsidiwé enfòmasyon anba sé sèksyon-an “Jennès” ében “Children” anba LÉSISYON LABIB asou jw.org.
Wivizé nòt ou té pwan adan an konvansyon ében adan yon asanblé.
Òbzòvé ében fè wichach asou an bagay an kwiyasyon, èk apwé diskité épi fanmi-an sa bagay-la ka enstwi’w konsèné Jéhova.
Tanzantan ou sa envité an moun asou létid fanmi’w, èk apwé ou sa mandé’y kwèsyon.
Fè plan asou diféwan bagay ou sa fè pou fè pwogwé an sèvis ou pou Jéhova, èk diskité mannyè ou sa akonpli sé bagay sala.
Twavay asou an pwojé ansanm. Pou ègzanp zòt sa twavay asou an map ében asou an ‘chart’.

Gadé VIDIYO-A Kontiné Fè Pwogwé An Létid Fanmi’w. Èk apwé mandé kongwigasyon-an:

Kisa an mawi sa fè pou édé madanm li enjwi létid fanmi yo magwé yo pa ni manmay?

Wépons ou

8. Létid Labib Nou

(30 minit) bt chapit 13 pawagwaf 17-24