Bondyé Sé Pli Mèyè Jan Ou sa Janmen ni

Lè’w vini jan Bondyé, sa sé pli mèyè bagay ki sa janmen wivé’w. Bondyé kay enstwi’w mannyè pou viv sennésòv èvèk ni lakontantman; I kay libéwé’w hòd an chay diféwan enstwit ki fo èvèk vyé pwaktik. I kay kouté lapwiyè’w. I kay édé’w pou enjwi lapé an tjè’w èvèk ni konfyans. (Samz 71:5; 73:28) Bondyé kay sipòté’w lè’w ka èspéyansé twaka. (Sam 18:18) Èvèk Bondyé ka ofè’w kado’y di lavi étonnèl.—Ronm 6:23.

Kon’w vansé pwé Bondyé, ou kay vansé pwé moun ki jan Bondyé. Yo kay vini jan’w osi. Anfen, yo kay kon fwè èvèk sè’w. Yo kay kontan pou enstwi’w konsèné Bondyé. Yo kay édé’w èvèk ankouwajé’w.

Nou pa égal épi Bondyé. Kon’w éséyé fè jan épi Bondyé, ou ni pou konpwann an bagay ki enpòtan. Jan épi Bondyé sé pa kon jan épi an moun ki égal épi’w. I twòp pli gwan, pli savan èvèk I ni pli pouvwa pasé nou. I ni dwa pou kondwi nou. Alò, si nou vlé fè jan épi’y, nou ni pou kouté’y èvèk fè sa’y di nou pou fè. Sa kay toujou an bennéfis nou.—Izaya 48:18.