Ki Moun Ki Lèlmi Bondyé?

Pli gwo lèlmi Bondyé sé Satan Denmou-an. I sé an lèspwi ki wébélé kont Jehovah. Satan ka kontiné goumen kont Bondyé èvèk I ka fè gwo twaka bay lézòm. Satan méchan. I sé an mantè èvèk I ka tjwé moun.—Jan 8:44.

Lòt nanj vini ansanm épi Satan an wébèlyon’y kont Bondyé. Bib-la ka kwiyé yo vyé lèspwi. Kon Satan, sé vyé lèspwi-a sé lèlmi lézòm. Yo enmen fè moun ditò. (Mafyou 9:32, 33; 12:22) Jehovah kay détwi Satan èvèk sé vyé lèspwi’y-la pou tout tan. Yo pa wèsté djè tan ankò pou fè twaka bay lézòm.—Wévélasyon 12:12.

Si ou vlé fè jan épi Bondyé, ou pa ni pou fè sa Satan vlé’w fè. Satan èvèk sé vyé lèspwi-a hayi Jehovah. Yo sé lèlmi Bondyé, èvèk yo vlé fè’w an lèlmi Bondyé. Ou ni pou chwazi ki moun ou vlé plè—Satan ében Jehovah. Si’w vlé lavi étonnèl, ou ni pou chwazi pou fè divwa Bondyé. Satan ni an chay diféwan mannyè pou kwennen moun. I ka kwennen majòwité di moun.—Wévélasyon 12:9.