Jan Bondyé Ka Wèsté Hòd Sa Ki Mové

Satan ka tanté moun pou fè bagay ki mové. An moun ki vlé fè jan épi Bondyé ni pou hayi sa Jehovah hayi. (Sam 97:10) Mi déotwa bagay jan Bondyé ka wèsté hòd:

Péché sèksyouwal. “Ou pa ni pou fè adiltè.” (Ègzodòs 20:14) Pou fwékanté avan mawiyaj pa bon osi.—1 Kòrint 6:18.

Toujou sou. “Wonmyé . . . [pa] kay éwityé wéyòm Bondyé.”—1 Kòrint 6:10.

Tjwé moun, Jété ich. “Ou pa ni pou tjwé moun.”—Ègzodòs 20:13.

Vòlè. “Ou pa ni pou vòlè.”—Ègzodòs 20:15.

Manti. Jehovah hayi “an lanng ki fo.”—Provèb 6:17.

Vyolans èvèk Waj San Kontwolé. “Népòt moun ki kontan vyolans [Jehovah] sètenman hayi.” (Sam 11:5) “Twavay lachè-a [enkloudé] . . . anwajé vit.”—Galécha 5:19, 20.

Jwé Gwenndé. “Pa ni anyen pou fè épi moun . . . ki . . . vowas.”—1 Kòrint 5:11.

Hayisans Kont Was èvèk Diféwan Nasyon. “Kontiné kontan lèlmi’w èvèk pwédyé bay tout sa ki ka pèsikité’w.”—Mafyou 5:43, 44.

Sé bagay-la Bondyé ka di nou-an sé pou bonté nou. I pa toujou ézé pou wèsté hòd bagay ki mové. Mé épi èd Jehovah èvèk èd sé Témwen’y-lan, ou sa wèsté hòd bagay ki ka déplè Bondyé.—Izaya 48:17; Filipay 4:13; Hibrou 10:24, 25.