Ki sa ki sa édé fanmi viv an lapé?

MI SA BIB-LA DI

“Moun-an ki ka tann pawòl Bondyé èk ki ka obéyiʼy-la benni plis.”—Louk 11:​28, Tèstèman Nèf-la.

SÉ BENNÉFIS-LA OU KAY TWAPÉ

An mawi kay moutwé madanm li I enmen’y.​—Èfésòs 5:28, 29.

An madanm kay wèspèkté mawi’y.​—Èfésòs 5:33.

Fanmi-an kay viv an lapé épi kontantman.​—Mak 10:6-9.

POUKI NOU SA KWÈ SA?

Paski Bib-la di:

• Sé Bondyé ki mété awanjman-an an plas. Bib-la di Jéhova kwéyé pwèmyé nonm-lan èk fanm-lan èk I mayé yo. (Mafyou 19:4-6) Pouki I enpòtan pou nou konnèt sa?

  Ann’ di ou ka manjé an manjé ki ni bon gou, èk ou vlé sav sa yo mété adan’y, ki moun ou kay mandé? Moun-nan ki fè’y-la kouman!

  Menm mannyè, si nou vlé sav mannyè fanmi sa ni lapé épi kontantman nou dwé mandé Jéhova, Moun-nan ki mété awanjman-an an plas.​—1 Timòfi 2:13.

• Bondyé enmen’w. Jéhova ja potjiwé bon konsèy an Labib pou édé fanmi. Pouki I fè sa? Paski I mélé épi’w. (1 Pita 5:​6, 7) Jéhova vlé sa ki bon ba ou èk konsèy li toujou an bennéfis ou.​—Jémz 1:5; Filipay 4:6, 7.