Ès moun ki mò sa viv ankò?

MI SA BIB-LA DI

“Moun . . . kay wésisité.”​—Twavay 24:​15, Tèstèman Nèf-la.

SÉ BENNÉFIS-LA OU KAY TWAPÉ

Ou kay sa tjenbé fò lè an moun ou enmen mò.​—2 Kòrint 1:3, 4.

Ou pa kay pè lanmò.​—Hibrou 2:15.

Ou kay ni konfyans moun ou enmen kay wésisité.​—Jan 11:23, 24.

POUKI NOU SA KWÈ SA?

Paski Bib-la di:

• Sé Bondyé ki fè nou. Bib-la di, “sé li menm ki ka bay tout moun lavi épi lèspiwasyon épi tout bagay yo bizwen.” (Twavay 17:25) Moun-nan ki ban nou lavi oblijé sa wésisité moun ki mò.

• Bondyé té wésisité moun an tan pasé. Bib-la palé konsèné ywit moun Bondyé wésisité ki té viv ankò asou latè-a. Anpami yo sété jenn moun, gwan moun, nonm èk fanm. Adan di yo pa té ni djè tan dépi yo mò, mé la ni yonn ki té ja an tonbo-a pou kat jou!—Jan 11:​39-44.

• Bondyé vwéman vlé fè sa ankò. Jéhova hayi lanmò toubonnman. Pou Bondyé menm, lanmò sé an lèlmi. (1 Kòrint 15:26) Èk sé pa ti anvi I anvi tiwé lèlmi sala. Bondyé kay fè lanmò dispawèt. Sé pa dé vlé I vlé wésisité moun ki an mémwa’y èk pou wè yo viv asou latè ankò.