Ki sa Bondyé kay sèvi pou wanjé kondisyon latè-a?

MI SA BIB-LA DI

“Bondyé, Dyé syèl-la, kay établi an Wéyòm ki pa kay janmen kwazé.”​—Dannyèl 2:44, New World Translation.

“Jézi Kwi, wa-a Bondyé té pwonmèt pou voyé-a, ja ni pouvwa atjwèlman pou kondwi latè sala pou tout tan èk pou tout tan.”​—Wévélasyon 11:15, Tèstèman Nèf-la.

SÉ BENNÉFIS-LA OU KAY TWAPÉ

• Gouvèdman sala kay twavay an bennéfis ou.​—Sam 32:8.

• Ou kay ni bon santé èk kontantman.​—Wévélasyon 21:3, 4.

POUKI NOU SA KWÈ SA?

Paski Bib-la di:

• Bondyé té sèvi Jézi pou moutwé mannyè I kay édé moun. Lè Jézi té asou latè-a, I swen moun ki té fen, I djéwi moun ki té malad, èk I wésisité moun ki té mò!​—Mafyou 15:29-38; Jan 11:38-44.

  Kon sa, Bondyé ja chwazi Jézi kon wa an gouvèdman’y pou akonpli divwa’y asou latè-a. (Mafyou 6:9, 10) Jézi kay “kondwi latè sala pou tout tan.”​—Wévélasyon 11:15.

• Tou talè Bondyé kay wanjé kondisyon latè-a. Mé Jézi té di la kay ni an chay ladjè, lafen èk twanblanntè, avan Bondyé wanjé kondisyon latè-a.—Mafyou 24:​3, 7.

  Nou ka wè sé bagay sala ka fèt pou vwé. Alò, nou sa ni konfyans Bondyé kay sèvi Jézi èk gouvedman’y, pou fè tout sé pwòblenm sala dispawèt.