LISON 11

Mété Lavi An Pawòl Ou

Ronm 12:11

WÉZIMÉ: Palé adan an mannyè ki vivan pou ankouwajé èk motivé moun.

Mété tjè’w an sa ou ka di. Lè ou ka pwépawé an pwézantasyon, katjilé byen asou enpòtans-lan konmisyon-an ni. Vini byen okouwan épi enfòmasyon-an pou ou sa palé ofon tjè’w.
Katjilé konsèné moun ki ka kouté’w. Mèdité asou ki mannyè enfòmasyon-an ou kay li èben enstwi kay bennéfisyé lézòt. Konsidiwé diféwan mannyè ou sa pwézanté enfòmasyon-an pou moun sa ni pli apwésiyasyon pou li.
Mété lavi an pwézantasyon’w. Palé épi lavi. Sèvi sin ki apwopwiyab. Ni èspwèsyon ki sensè asou fidji’w. Tout sa kay moutwé santiman’w.

Pwan ka pou pa fè menm sin-lan tout lè, paski sa pé distwé moun. Mé pito, sèvi sin ki apwopwiyab èk ki ka fè sans. Mété lavi an pawòl ou èspwèsman lè ou ka enstwi pwen ki enpòtan, èk lè ou vlé motivé moun pou pwan aksyon. Pa mété twòp lavi an pawòl ou dépi ou koumansé pwézantasyon’w pou finisman’y. An pwézantasyon ki ni twòp lavi kay lasé moun.