LISON 18

Bay Moun Enfòmasyon Ki Sa Édé Yo

1 Kòrint 9:19-23

WÉZIMÉ: Fè moun ki ka kouté’w katjilé kont enfòmasyon-an, pou yo sa santi yo ka apwann kéchòy ki valowab.

Konsidiwé sa moun konnèt déja. Pito ou annèk wépété sa moun ja tann avan, édé yo pou gadé sijé-a adan an mannyè ki nèf.

Lè ou ka diskité pwen moun okouwan épi, pa pwan twòp tan. Mé lè ou ka diskité pwen ki nèf, pwan tan pou fè sa.
Fè wichach èk mèdité. Pou èspliké pwen ki enpòtan, lè I posib, sèvi enfòmasyon moun pa twò okouwan épi, èben enfòmasyon asou sa ki ka fèt apwézan. Mèdité asou sijé’w. Gadé pou konnèksyon-an ant sijé’w èk lòt enfòmasyon ou vlé pwézanté.

Lè ou ka ègzanminé enfòmasyon-an, mèdité èk mandé kò’w kwèsyon tèl kon: ‘ki sa, pouki, ki lè, ki koté, ki moun èk ki mannyè.’ Diwan pwézantasyon’w, mandé èk wéponn adan sé kwèsyon sala pou fè diskou’w pli vivan.
Moutwé moun konmisyon’w ni valè. Èspliké bay moun ki ka kouté’w, mannyè sé pwen-an ki an Bib-la sa édé yo an lavi yo toulé jou. Palé asou sitiwasyon, atitid èk aksyon ki ka konsèné yo.