MANNYÈ POU KOUMANSÉ AN KONMÉZASYON
LISON 6
Pwéché Bon Nouvèl-la Épi Fòs Èk Kouway
Pwensip-la: “Bondyé ban nou fòs èk kouway pou nou pòté Bon Nouvèl li-a baʼw.”—1 Tèsalonnika 2:2.
Mannyè Jézi Pwéché Bon Nouvèl-la Épi Fòs Èk Kouway
1. Gadé VIDIYO-A, Jézi Ka Pwéché Bay Zakiyòs ében li ében kouté Louk 19:1-7. Èk apwé, nou kay kozé asou dé (2) kèstyon:
Pouki adan moun pa té kontan Zakiyòs?
Menm si adan moun pa té kontan Zakiyòs, kisa ki pousé Jézi pou patajé Bon Nouvèl-la épi’y?
Kisa Nou Apwann Hòd Ègzanp Jézi?
2. Nou bizwen fòs èk kouway pou pwéché Bon Nouvèl-la bay tout moun.
Swiv Ègzanp Jézi
3. Dépan asou Jéhova. Lèspwi Bondyé té bay Jézi fòs-la èk kouway-la i té bizwen pou pwéché Bon Nouvèl-la. An menm mannyè-a, lèspwi Bondyé sa édé’w osi. (Mafyou 10:19, 20; Louk 4:18) Alò, si’w pè pou pwéché bay sèten moun, ou sa mandé Jéhova pou ba’w fòs èk kouway pou’w pwéché ba yo.—Twavay 4:29.
4. Pa jijé moun. Délè nou ka santi nou pa vlé pwéché bay sèten moun a kòz di mannyè-a yo ka gadé, pozisyon yo an sosyété, mannyè yo ka viv lavi yo, wilizyon yo, ében si yo wich ében pòv. Mé lè nou ka santi kon sa, la ni dé (2) bagay nou vlé toujou chonjé:
Jéhova épi Jézi sa li tjè moun, mé nou pa sa li tjè moun.
Jéhova enmen tout moun èk i ka moutwé yo mizèwikòd.
5. Pwéché épi fòs èk kouway, mé toujou moutwé moun wèspé. (Mafyou 10:16) Nou ka moutwé moun wèspé lè nou pa chikannen épi yo. Èk si moun-lan pa vlé kouté Bon Nouvèl-la, ében si’w ka santi lavi’w an danjé, doubout konvézasyon-an èk kité. Mé fè sa adan an mannyè ki ka moutwé jantiyès èk wèspé.—Pwovèb 17:14.