Mannyè Ou Sa Sèvi Sèksyon-an ‘Sa Ou Pé Di’

Dépi Janvyé lanné 2018, asou kouvèti Ti Liv Mitin Nou, nou ni sèksyon-an ‘Sa Ou Pé Di’. Ki mannyè nou sa sèvi sèksyon sala?

Lè Ou Ni Yon Asaynman: Ou dwé sèvi kwèsyon-an, lévanjil-la èk sa nou kay diskité lòt kou-a an sèksyon-an ‘Sa Ou Pé Di’. Kanmenm, sa pa vlé di, ou oblijé wépété ègzaktiman sa ou tann an sé vidiyo-a pou pwèmyé èk dézyenm ti kozé-a. Ou pé sèvi an diféwan sitiwasyon, an diféwan entwodiksyon, ében ou sa wézonnen adan an diféwan mannyè. Osi, ou sa ofè an piblikasyon an Zouti Pou Fè Disip, si ou vlé, èk si I apwopwiyab pou fè sa.

An Minis-la: Sé ègzanp-lan anba Sa Ou Pé Di la pou édé nou. Si yon moun ki sensè vlé konnèt pli, ou sa kontiné konmézasyon-an. Pitèt, ou sa jis sèvi enfòmasyon-an hòd dézyenm ti kozé-a pou kontiné konmézasyon-an. Osi, ou sa fè chanjman an sé ègzanp-lan anba Sa Ou Pé Di, ében ou sa sèvi an lòt pwézantasyon. Ès moun an tèwitwa’w té kay pli antéwésé an yon sijé ou ja sèvi adan an lòt mwa, ében, ès yo té kay antéwésé adan on lòt lévanjil? Ès moun ki an tèwitwa’w pli antéwésé adan an bagay ki té fèt, ében bagay ki ka fèt an plas-la? Ou sa sèvi sé ègzanp-lan anba Sa Ou Pé Di an diféwan mannyè, mé òbdjèktif ou sipozé pou, ‘fè tout bagay pou lapéti bon nouvèl-la, pou ou sa patajé’y épi lézòt’.—1 Kòr. 9:22, 23. (New World Translation)