Mannyè Ou Sa Sèvi Sèksyon-an Sa Ou Pé Di

Sé fwè-a ka twavay wèd pou pwépawé sèksyon-an Sa Ou Pé Di, èk an chay fwè èk sè kontan sèvi yo an minis-la. Kanmenm, paski sitiwasyon diféwan owon latè-a, pwoklanmatè sa sèvi diféwan sijé ki kay touché tjè moun an minis-la. Mé si la ni an kanmpéyn spésyal, nou sipozé sèvi pwézantasyon-an. Alò, obligasyon nou sé pou pwéché bon nouvèl Wéyòm-lan.​—Maf. 24:14.

Lè ou ni yon asaynman anba ti sèksyon-an Annou Enstwi Pli Byen, ou ni pou sèvi sijé-a pou sèksyon-an Sa Ou Pé Di an Ti Liv Mitin Nou. Kanmenm, si ou pa twapé lòt diwèksyon, ou sa sèvi an diféwan kwèsyon pou koumansé ti kozé-a, ou sa li an diféwan lévanjil, ou sa mandé an diféwan kwèsyon pou sa ou kay diskité lòt kou-a, ében ou sa sèvi an diféwan sitiwasyon. Diwèksyon sala ka wiplasé diwèksyon-an nou té twapé asou paj 8 an Ti Liv Mitin Nou pou mwa Jen lanné 2020.