Nou Ka Moutwé Lanmityé Lè Nou Sipòté Mannyè Jéhova Ka Kowijé

Lè an moun èskonminiké sa ka pwotéjé kongwigasyon-an èk I ka kowijé moun-lan ki pa wépanti. (1 Kòr. 5:6, 11) Nou ka moutwé lanmityé lè nou sipòté mannyè Jéhova ka kowijé. Lè an moun èskonminiké sa ka annékòz an chay penn pou moun, tèl kon fanmi’y èk sé ansyen-an. Alò, ki mannyè nou ka moutwé lanmityé lè nou sipòté disizyon sala?

Sa ki pli enpòtan sé, nou ka moutwé lanmityé pou bon wépitasyon Jéhova èk wèg li pou sa ki sen. (1 Pita 1:14-16) Osi, nou ka moutwé lanmityé pou moun-lan ki èskonminiké. Kowijman, magwé I ka mennen lapenn, sa ban nou “lapé an tjè nou.” (Hib. 12:5, 6, 11) Lè nou asosiyé épi an moun ki èskonminiké ében an moun ki kité ògannizasyon Jéhova, nou ka anpéché kowijman Jéhova wivé tjè moun sala. Chonjé, Jéhova ka toujou kowijé pèp li “adan an mannyè ki dwèt.” (Jér. 30:11) Nou ka tjenn èspwa moun sala kay witounen pou Papa nou ki ka moutwé mizèwikòd. An menm di tan, nou ka kontiné sipòté mannyè Jéhova ka kowijé moun sala èk nou ka fè tout sa nou pé pou tjenn wilasyon nou épi Jéhova fò.—Izay. 1:16-18; 55:7.

GADÉ VIDIYO-A WÈSTÉ FIDÈL ÉPI AN TJÈ KI KONPLÈT, ÈK APWÉ WÉPONN SÉ KWÈSYON SALA:

• 

  Ki mannyè pawan ka santi lè ich yo kité Jéhova?

• 

  Ki mannyè kongwigasyon-an sa sipòté sé manm fanmi-an ki wèsté fidèl?

• 

  Ki listwa an Bib-la ki ka moutwé fidèlité nou pou Jéhova pli enpòtan pasé fidèlité nou pou fanmi nou?

• 

  Ki mannyè nou sa moutwé fidèlité nou pou Jéhova pli fò pasé fidèlité nou pou fanmi nou?