Disiplin Ka Moutwé Jéhova Enmen Nou

Pwèmyéman, disiplin ni pou fè épi enstwiksyon èk endikasyon, mé délè disiplin ni pou fè épi kowijman èk pinisyon. Jéhova ka disipliné nou pou nou sa adowé’y adan an mannyè I ka aksèpté. (Ronm 12:1; Hib. 12:10, 11) Délè, I pé difisil pou nou aksèpté disiplin Jéhova, mé lè nou aksèpté’y, sa ka mennen bonté èk bennédiksyon. (Pwov. 10:7) Ki sa moun-lan ki ka bay disiplin-lan èk moun-lan ki ka wisivwè disiplin-lan sipozé chonjé?

Moun ki ka bay disiplin. Ansyen, pawan, èk lézòt ka éséyé pou bay disiplin épi jantiyès èk lanmityé menm kon Jéhova. (Jér. 46:28) Menm si yo ni pou bay disiplin ki fò, yo ni pou fè’y adan an mannyè ki apwopwiyab èk épi lanmityé.—Titòs 1:13.

Moun ki ka wisivwè disiplin. Népòt kalité disiplin nou wisivwè, pito nou widjèkté’y, nou sipozé éséyé apliké’y vitman. (Pwov. 3:11, 12) Paski nou pa pawfé, nou tout bizwen disiplin. Disiplin sala ka vini an diféwan mannyè. Délè nou pé twapé disiplin hòd sa nou li an Bib-la ében sa nou tann an sé mitin nou-an. Èk délè, adan moun ka twapé disiplin hòd sé ansyen-an. Mé lè nou aksèpté èk nou apliké disiplin-lan, nou kay viv an lavi ki pli mèyè apwézan èk nou kay osi jwenn lavi étonnèl.—Pwòv. 10:17.

GADÉ VIDIYO-A “JÉHOVA KA KOWIJÉ SÉ MOUN-LAN I ENMEN,” ÈK APWÉ WÉPONN SÉ KWÈSYON SALA:

• 

  Ki bèl lavi Canon té ni, èk ki mannyè lavi’y té chanjé?

• 

  Ki kalité disiplin Canon té wisivwè hòd Jéhova?

• 

  Ki sa nou sa apwann hòd èspéyans Canon?