Sèvi Ilistwasyon Pou Enstwi Sé Pli Gwo Pwen-an

Lè nou ka witounen asou moun, ében lè nou ka fè létid Bib, nou vlé édé sé moun-lan konpwann sé pwen-an ki pli enpòtan-an byen. Kon sa, lè nou sèvi ilistwasyon, nou sa touché tjè sé moun-lan èk fè’y ézé pou yo chonjé sé pwen-an ki pli enpòtan-an.

Lè ou ka pwépawé pou lòt ti kozé-a, ében ou ka pwépawé pou yon létid Bib, fè asiwé sé pwen-an ou chwazi pou bay an ilistwasyon asou, sé pwen ki byen enpòtan. Pa bay ilistwasyon asou tout ti détay. Chwazi ilistwasyon ki senp èk bagay moun okouwan épi. (Maf. 5:14-16; Mak 2:21; Louk 14:7-11) Osi, fè asiwé ou konsidiwé kilti moun-lan èk lòt bagay I antéwésé adan. (Louk 5:2-11; Jan 4:7-15) Lè ou wè lajwa-a asou fidji moun-lan ében ou tann li an vwa’y paski I konpwann pwen-an, ou menm kay èspéyansé lajwa.

GADÉ VIDIYO-A ÈSPÉYANSÉ LAJWA KON OU KA FÈ DISIP—ANNOU FÈ PLI BYEN—SÈVI ILISTWASYON POU ENSTWI SÉ PLI GWO PWEN-AN, ÈK APWÉ WÉPONN SÉ KWÈSYON SALA:

• 

  Pouki étidyan Bib bizwen èd pou konpwann sé vèwsé-a ki an Bib-la?

• 

  Ki ilistwasyon Neeta sèvi pou édé Jade konpwann Ronm 5:12?

• 

  Ki mannyè bon ilistwasyon sa afèkté moun ki ka kouté nou?

• Lè nou an minis-la, pouki nou sipozé sèvi sé vidiyo-a èk lòt zouti ògannizasyon Jéhova ka potjiwé ban nou?