Pwédyé Pou Ou Jwenn Èd Jéhova

Sé Jéhova ki ka fè lavéwité-a wasiné èk pwofité an tjè an moun. (1 Kòr. 3:6-9) Konsa, pou ni siksé an minis-la, nou ni pou dépan asou Jéhova pou édé nou épi pou édé étidyan Bib nou.

An lapwiyè mandé Jéhova pou édé sé étidyan’w-lan pou tjenbé fò épi pou ganyen a bout népòt difikilté yo pé ni. (Filip. 1:9, 10) Di Jéhova ègzaktiman sa ou bizwen. Èk osi pwédyé pou lisentèspwi pou djidé katjil ou épi aksyon’w. (Louk 11:13) I enpòtan pou enstwi étidyan’w mannyè pou pwédyé, èk ankouwajé’y pou fè sa. Sèvi non étidyan-an lè ou ka pwédyé épi’y, èk osi lè ou ka pwédyé ba’y.

GADÉ VIDIYO-A ÈSPÉYANSÉ LAJWA KON OU KA FÈ DISIP​—AKSÈPTÉ ÈD JÉHOVA​—LAPWIYÈ, ÈK APWÉ WÉPONN SÉ KWÈSYON SALA:

• Ki difikilté Neeta té ka èspéyansé lè i té ka étidyé épi Jade?

• Ki mannyè 1 Kòrint 3:6 té édé Neeta?

• Ki mannyè Neeta té ganyen a bout difikilté-a i té ka èspéyansé-a?