Édé Étidyan Bib Ou Pou Ganyen A Bout Vyé Labitid

Sé sèlman moun ki ka viv on lavi ki dwèt, ki sa ni on bon wilasyon épi Jéhova. (1 Pita 1:14-16) Konsa, nou vlé édé étidyan Bib nou pou ganyen an bout mové labitid, èk viv on lavi ki dwèt. Lè yo koumansé ganyen an bout mové labitid, yo pé twapé bennéfis an fanmi yo, an santé yo èk pitèt yo kay sa sové plis lajan.

Byen èspliké wèg mowal Jéhova, sé wézon-an pou sé wèg sala, èk pouki i bon pou swiv yo. Osi, nou ni pou édé étidyan nou pou chanjé mannyè yo ka katjilé. Èk a lè sala, yo kay sa fè sa Jéhova mandé yo pou fè. (Èfés. 4:22-24) Ba yo asiwans-lan ki, Jéhova kay édé yo pou ganyen a bout mové labitid ki byen wasiné an yo. (Filip. 4:13) Enstwi yo mannyè pou sipliyé Jéhova lè yo ni dézi-a pou fè sa ki pa bon. Wédé yo pou wè sé sitiwasyon-an ki kay fè’y difisil pou yo fè sa ki dwèt épi pou wèsté lwen hòd yo. Ankouwajé yo pou wiplasé vyé labitid épi bon labitid. I ka ban nou lajwa pou nou wè étidyan Bib nou ni siksé èk fè chanjman épi èd Jéhova.

GADÉ VIDIYO-A ÉDÉ ÉTIDYAN BIB OU POU GANYEN A BOUT VYÉ LABITID, ÈK APWÉ WÉPONN SÉ KÈSTYON SALA:

• 

  Kisa Neeta épi sé ansyen-an té fè pou moutwé yo ni konfyans an Jade?

• 

  Kisa Neeta té fè pou bay Jade pli asistans?

• 

  Kisa Jade té fè pou jwenn èd hòd Jéhova?