Édé Étidyan Bib Ou Pou Dévlopé An Bon Wilasyon Épi Jéhova

Jéhova vlé nou sèvi’y paski nou enmen’y. (Maf. 22:37, 38) Lanmityé pou Jéhova kay ba étidyan Bib fòs pou fè chanjman an lavi yo, èk pou doubout fò anba tès. (1 Jan 5:3) Osi, lanmityé yo pou Jéhova kay pousé yo pou batizé.

Édé étidyan’w pou wè mizi lanmityé Jéhova ni pou yo. Mandé yo kwèsyon tèl kon: “Kisa sa ka enstwi’w konsèné Jéhova?” ében “Ki mannyè sa ka moutwé Jéhova enmen’w?” Édé étidyan’w pou wè mannyè Jéhova ka édé yo. (2 Kw. 16:9) Di yo diféwan mannyè Jéhova ja wéponn lapwiyè’w, èk enkouwajé yo pou òbzòvé mannyè Jéhova ka wéponn lapwiyè yo. Nou ka si tèlman kontan lè nou wè étidyan Bib ka èspéyansé lanmityé Jéhova, lè yo ka moutwé yo enmen’y, èk lè yo ka fè éfò pou vini jan’y.

GADÉ VIDIYO-A ÉDÉ ÉTIDYAN BIB OU POU DÉVLOPÉ AN BON WILASYON ÉPI JÉHOVA, ÈK APWÉ WÉPONN SÉ KÈSTYON SALA:

• 

  Ki difikilté Jade té ni?

• 

  Kisa Neeta té fè pou édé Jade?

• 

  Ki mannyè Jade té ganyen a bout difikilté-a?