Édé Étidyan Bib Pou Nouwi Kò Yo

Pou édé étidyan Bib nou konnèt Jéhova èk fè pwogwé, nou ni pou édé yo apwann pli pasé sa nou ka enstwi yo. (Maf. 5:3; Hib. 5:12–6:2) Nou osi ni pou édé yo apwann mannyè pou nouwi kò yo, pou yo sa ni an bon wilasyon épi Jéhova.

Lè ou koumansé étidyé épi moun, moutwé yo mannyè pou pwépawé pou létid Bib yo, èk ankouwajé yo pou fè sa. (mwb18.03-E 6) Ankouwajé yo pou toujou pwédyé avan yo koumansé étidyé Pawòl Bondyé. Moutwé yo mannyè pou twouvé èk sèvi sé zouti-a nou ka sèvi asou intannèt-la pou étidyé. Moutwé yo mannyè pou wèsté okouwan épi enfòmasyon ki nèf asou jw.org èk JW Broadcasting^®. Piti an piti, moutwé yo mannyè pou li Bib-la toulé jou, mannyè pou pwépawé pou sé mitin-lan, èk mannyè pou fè wichach pou twouvé wépons pou kwèsyon yo pé ni. Ankouwajé yo pou mèdité asou sa yo ka apwann.

GADÉ VIDIYO-A ÉDÉ ÉTIDYAN BIB OU POU NOUWI KÒ YO, ÈK APWÉ WÉPONN SÉ KWÈSYON SALA:

• 

  Ki mannyè Neeta édé Jade pou wè lè i ka étidyé i ni pou fè pli pasé twapé wépons pou sé kwèsyon-an?

• 

  Kisa ki édé Jade pou aksèpté Jéhova ni dwa-a pou fè wèg lè’y vini pou sèks?

• 

  Kisa Jade apwann konsèné mèditasyon?