Moutwé Lanmityé An Fanmi’w

Lanmityé menm kon lakòl, I ka tjenn yon fanmi ansanm. Si yon fanmi pa ni lanmityé, l kay difisil pou yo wèsté an lilyon épi twavay ansanm épi yonn a lòt. Ki mannyè mawi, madanm, épi pawan sa moutwé lanmityé an fanmi-an?

Yon mawi ki ni lanmityé kay konsidiwé labizwen madanm li, katjil li, épi santiman’y. (Èfés. 5:28, 29) I ka swen fanmi’y èk potjiwé sa yo bizwen, èk l kay édé yo pou ni on bon wilasyon épi Jéhova. Yonn an sé bagay-la l kay fè pou édé fanmi’y vansé pli pwé Jéhova sé pou tjenn létid fanmi’y wèglé. (1 Tim. 5:8) Yon madanm ki ni lanmityé kay abésé kò’y anba mawi’y, épi l kay moutwé l “ni wèspé pou mawi’y.” (Èfés. 5:22, 33; 1 Pita 3:1-6) Ni madanm ni mawi sipozé pawé pou pawdonnen yonn a lòt libman. (Èfés. 4:32) Pawan ki ni lanmityé ka moutwé tout ich yo, yo mélé épi yo, èk yo ka enstwi yo pou enmen Jéhova. (Dito. 6:6, 7; Èfés. 6:4) Ki difikilté ich yo ka èspéyansé an lékòl? Ki mannyè yo ka aji anba chalè-a pou swiv lòt moun? Lè la ni an chay lanmityé an fanmi-an, tout manm an fanmi-an kay santi sòv.

GADÉ VIDIYO-A MOUTWÉ LANMITYÉ AN FANMI’W, ÈK APWÉ WÉPONN SÉ KWÈSYON SALA:

• 

  Ki mannyè yon mawi ki enmen madanm li ka swen’y épi chéwi’y?

• 

  Ki mannyè yon madanm ki enmen mawi’y ka moutwé l ni gwo wèspé pou li?

• 

  Pawan ki enmen ich yo ka fè pawòl Bondyé touché tjè yo. Ki mannyè yo ka fè sa?