Twété Sé Gwan Madanm-lan Kon Manman’w, Épi Sé Jenn Fi-a Kon Sésé’w

Sé lévanjil-la ka di nou pou twété sé gwan moun-lan kon manman nou èk papa nou, épi sé jenn moun-lan kon fwè nou èk sésé nou. (Li 1 Timòfi 5:1, 2.) Sé fwè-a sipozé twété sé sésé-a épi lonnè èk wèspé.

Yon fwè pa sipozé moutwé yon sésé I pa mayé épi antansyon romantik. Osi, I pa sipozé fè anyen ki sa fè yon sésé santi jennen. (Jòb 31:1) Yon fwè ki pa mayé pa sipozé bay yon sésé antansyon romantik si I pa ni antansyon pou mayé sésé-a.

Si an sésé mandé an kwèsyon èben I èspwèsé opinyon’y konsèné an bagay, sé ansyen-an pa sipozé vini kontwayé. Mé yo sipozé ba’y konsidéwasyon. Sitou si an sésé pa mayé, sé ansyen-an sipozé fè an pli gwo éfò pou ba’y konsidéwasyon.—Rouf 2:8, 9.

GADÉ VIDIYO-A MOUTWÉ LANMITYÉ AN KONGWIGASYON-AN—POU SÉ VÈV-LA ÈK SA KI PA NI PAPA, ÈK APWÉ WÉPONN SÉ KWÈSYON SALA:

• 

  Ki mannyè kongwigasyon-an té moutwé sésé Myint lanmityé?

• 

  Ki mannyè lanmityé-a sé fwè èk sè-a té moutwé sésé Myint èk fanmi’y sété an bon témwenyaj an vilaj-la?

• 

  Ki mannyè lanmityé sé fwè èk sè-a té édé sé fi sésé Myint-la?

An ki diféwan mannyè ou sa moutwé lanmityé pou sé sèsè-a ki an kongwigasyon’w?