Mannyè Sé Sè Nou-an Sa Fè Pli Pou Jéhova

Sé sè nou-an ka twavay wèd pou avansé lantéwé Wéyòm-lan. (Sam 68:11) Yo ka kondwi an chay létid Bib èk plizyè di yo ka wann sèvis kon piyonnè wéglé. Osi, plizyè mil an sé sè nou-an ka twavay wèd an Bèfèl, an konstwiksyon, an diféwan RTO èk yo ka wann sèvis kon misyonnè. (Pwov. 14:1) Sè ki ni èspéyans ka fòtifyé fanmi yo èk sé kongwigasyon-an. Magwé sé sè-a pa sa wann sèvis kon ansyen èk sèvant ministiriyal, yo sa fè pli an kongwigasyon-an. Si’w sé an sè, an ki diféwan mannyè ou sa fè pli pou Jéhova?

• Dévlopé bon kawaktè.​—1 Tim. 3:11; 1 Pita 3:3-6

• Édé sé sè-a an kongwigasyon-an ki ni mwens èspéyans.​—Titòs 2:3-5

• Éséyé pou dépansé pli tan an minis-la, èk éséyé pou enstwi pli byen.

• Apwann an lòt langaj.

• Alé an koté ki ni pli labizwen.

• Plen fòm-lan pou twavay an Bèfèl ében pou bati plas adowasyon.

• Plen fòm-lan pou Lékòl-la Pou Pwoklanmatè Wéyòm-lan.

GADÉ VIDIYO-A “SÈ KI KA TWAVAY WÈD BAY SENYÈ-A”, ÈK APWÉ WÉPONN KWÈSYON SALA:

• Ki mannyè chak sè té enkouwajé’w an sa yo té di?