Tout Pwòblenm Kay Bout Yon Jou

I byen ézé pou pwòblenm dékouwajé nou, sitou lè yo ka diwé pou on lonng tan. David té sav sé difikilté-a i té ka èspéyansé-a anba lanmen wa Sòl, té kay bout yon jou. Èk i té kay vini wa menm kon Jéhova té pwonmèt. (1 Sm 16:13) Lafwa-a David té ni an Jéhova, té édé’y pou pwan pasyans èk èspéwé Jéhova pou chanjé sitiwasyon’y.

Lè nou ka èspéyansé difikilté, délè nou sa sèvi enfòmasyon nou ni, lasajès nou, èk bon jijman pou chanjé sitiwasyon nou. (1 Sm 21:12-14; Pwov. 1:4) Mé, adan pwòblenm nou ni pé kontiné menmsi nou swiv pwensip Bib, èk fè tout sa nou pé pou chanjé sitiwasyon-an. An sitiwasyon kon sa, nou ni pou pwan pasyans épi èspéwé Jéhova. Touswit i kay mété on bout pou tout soufwans nou èk “swiyé tout glo” ki an zyé nou. (Wév. 21:4) Ki sé Jéhova ki fè kéchòy pou soulajé nou, ében ki sé on lòt mannyè nou twapé soulajman, nou asiwé: Tout pwòblenm kay bout yon jou. Sa sé yon bagay ki sa soulajé nou.

GADÉ VIDIYO-A MOUN KI AN LILYON ADAN AN LATÈ KI PA NI LILYON, ÈK APWÉ WÉPONN SÉ KÈSTYON SALA:

• Ki difikilté adan sé fwè èk sè nou-an an Lanméwik Soud té èspéyansé?

• Ki mannyè yo té moutwé pasyans èk lanmityé?

• Ki mannyè yo té kontiné fiksé asou sé bagay-la “ki pli bon”?—Filip. 1:10