LAVI NOU KON KWITYEN
Yo Ka Twavay Wèd Pou Édé Sé Fwè Èk Sè-a
Ansyen-an pou sékyout-la èk madanm li ka twavay wèd pou édé sé fwè èk sè-a an diféwan kongwigayson. Mé yo ka èspéyansé sé menm bagay-la nou ka èspéyansé-a. Pou ègzanp, délè yo ka las, yo ka dékouwajé, èk yo ka ni tèt cho. (Jémz 5:17) Wonnman, chak simenn yo ka mété an chay éfò pou enkouwajé sé fwè èk sè-a an sé kongwigasyon-an yo ka vizité-a. Konsa, ansyen-an pou sékyout-la vwéman “vo an chay wèspé”.—1 Timòfi 5:17.
Zapòt Pòl té anvi vizité sé fwè-a an Ronm, pou yo té sa ankouwajé yonn a lòt. Osi i té vlé édé “lafwa [yo] vini fò”. (Ronm 1:11, 12) Alò, ès ou janmen katjilé kisa ou sa fè pou ankouwajé ansyen-an pou sékyout ou èk madanm li?
GADÉ VIDIYO-A TWAVAY ANSYEN POU SÉKYOUT-LA AN BITASYON, ÈK APWÉ WÉPONN SÉ KÈSTYON SALA:
An ki diféwan mannyè ansyen-an pou sékyout-la èk madanm li ka twavay wèd pou édé sé fwè èk sè-a?
Ki mannyè ansyen-an pou sékyout-la èk madanm li ja édéʼw?
Kisa nou sa fè pou ankouwajé ansyen-an pou sékyout nou èk madanm li?