Ou Sa Édé Fanmiʼw Ni Pli Djèwté

Jéhova vlé fanmi ni djèwté. (Sam 127:3-5; Ékléziyastis 9:9; 11:9) Mé, a kòz di pwòblenm an latè-a, èk lèwè moun an fanmi nou fè, sa sa annékòz nou pou pèd lajwa nou. Alò, kisa chak moun an fanmi-an sa fè pou édé fanmi-an ni pli djèwté?

On mawi ka twété madanm li épi wèspé. (1 Pita 3:7) Osi i ka pasé tan épiʼy. I sav madanm li ni limit, alò i pa ka mandé madanm li pou fè pli pasé i sa fè. Èk i ka moutwé madanm li i vwéman apwésyé tout sa i ka fè ba li épi fanmi-an. (Kòlòsé 3:15) An plis di sa, i ka toujou di madanm li i enmenʼy, èk i ka konplimantéʼy.—Pwovèb 31:28, 31.

On madanm ka gadé pou diféwan mannyè pou sipòté mawiʼy. (Pwovèb 31:12) Osi, i ka abésé kòʼy pou mawiʼy èk i ka twavay an lilyon épiʼy. (Kòlòsé 3:18) Èvèk i ka palé épi mawiʼy adan on mannyè ki janti. Èk lèʼy ka palé konsèné mawiʼy i ka moutwé i vwéman ni wèspé pouʼy.—Pwovèb 31:26.

Pawan ka pasé tan épi manmay yo. (Ditonronnonmi 6:6, 7) Èk pawan ka moutwé èk di manmay yo yo enmen yo. (Mafyou 3:17) An plis di sa, pawan ka moutwé bon jijman lè yo ka kowijé manmay yo.—Èfésòs 6:4.

Manmay ka obéyi èk wèspèkté pawan yo. (Pwovèb 23:22) Yo ka palé épi pawan yo èk yo ka di yo tout sa ki asou tjè yo. Èvèk lè pawan yo ka kowijé yo, yo ka kouté épi wèspé.—Pwovèb 19:20.

GADÉ VIDIYO-A TWAVAY WÈD POU FANMIʼW SA NI LAJWA, ÈK APWÉ WÉPONN KWÈSYON SALA:

• Kisa chak moun an fanmi-an té fè pou édé fanmi-an ni pli djèwté?