I Ja Ni Yon Lanné Dépi Ladjè-a Koumansé An Ukraine, Èk I Ka Kontiné—Ki Èspwa Bib-la Ka Bay?

Vandwédi, li 24 Févwiyé, 2023, té bay ladjè-a an Ukraine yon lanné dépi i té koumansé. Adan wapò ka di, apipwé twa san mil (300,000) sòlda Ukraine èvèk sòlda Russia ja mò èben blésé. Èk yo ka kwè, apipwé twant mil (30,000) lòt moun ja mò an ladjè-a. Mé la pé ni plis pasé sa.

Malèwèzman, i pa sanm ladjè sala kay fini touswit.

• “I ni pwèskè yon lanné dépi sòlda Russia antwé péyi Ukraine. La pa ni anyen ki ka moutwé yo kay doubout ladjè sala. I pa ka sanm ni Russia ni Ukraine sa ganyen ladjè sala. Èk i pa ka sanm yo kay twouvé on solousyon yo toulédé sa dakò asou.”—NPR (National Public Radio), Li 19 Févwiyé, 2023.

Ou kay dakò ki, ladjè sala épi lòt ladjè ka annékòz an chay penn èk soufwans asou moun ki inosan owon latè-a. Ki èspwa Bib-la ka bay? Ès ladjè kay janmen bout?

On ladjè ki kay doubout ladjè toupatou an latè-a

Bib-la di la ni on ladjè ki pa kay détwi lézòm, mé i kay sové yo. Bib-la ka kwiyé ladjè sala Anmagèdonn, èk ka dékwiʼy kon “gwan jou-a lè Bondyé-a ki ni tout pouvwa-a kay moutwé pouvwaʼy-la.” (Wévélasyon 16:14, 16) Kondwit lézòm ja annékòz an chay mové ladjè asou latè-a. Mé Bondyé kay sèvi Anmagèdonn pou mennen an bout pou kondwit yo. Li sé atik sala pou apwann ki mannyè ladjè Anmagèdonn kay mennen lapé pou tout tan:

• “Kisa Ki Ladjè Anmagèdonn?”

• “Anmagèdonn Sé Bon Nouvèl!”