Jézi Kay Mété An Bout Pou Kwim

Jézi ka konpwann soufwans-lan moun ka èspéyansé a kòz di kwim èk enjistis. Pou ègzanp, moun té manti asou’y, yo té bat li, yo kondanné’y an lodyans, èk yo tjwé’y. Èk magwé i té inosan, i bay lavi’y kon an wanson pou “sové an chay moun”. (Mafyou 20:28; Jan 15:13) Bon, apwézan Jézi sé Wa an Wéyòm Bondyé, èk touswit i kay mennen jistis owon latè-a, èk doubout kwim pou tout tan.—Izaya 42:3.

Bib-la ka di nou mannyè-a latè-a kay yé lè Jézi mété an bout pou kwim:

• “Sé méchan-an kay dispawèt touswit. Ou kay las gadé pou yo, mé ou pa kay menm jwenn yo. Mé moun ki ka abésé kò yo kay éwityé tè-a Bondyé té pwonmèt yo-a. Yo kay pwan plézi an kantité lapé-a yo kay ni-an.”—Sam 37:10, 11.

Bon. Ki mannyè nou sa moutwé apwésiyasyon nou pou tout sa Jézi ha fè ban nou, èk tout sa i kay fè touswit? Ében yon mannyè nou sa fè sa, sé pou apwann pli konsèné ‘Bon Nouvèl-la konsèné Wéyòm Bondyé’. Anfen, lè Jézi té asou latè-a sé sa i té ka pwéché konsèné. (Louk 4:43) Osi ou sa li atik sala, “Kisa Ki Wéyòm Bondyé?”