Jézi Kay Mété An Bout Pou Ladjè

Lè Jézi té asou latè-a, i moutwé i enmen moun an chay. Èvèk pou moutwé sa, i jis mò ba yo. (Mafyou 20:28; Jan 15:13) Apwézan Jézi sé wa an Wéyòm Bondyé, konsa touswit “i [kay] doubout ladjè toupatou an latè-a”.—Sam 46:9.

Tann sa Bib-la ka di Jézi kay fè:

• ‘I kay délivwé moun ki pòv ki ka kwiyé pou soukou. Osi, i kay délivwé maléwé-a épi népòt moun ki pa ni pyèsonn pou édé yo. I kay ni pityé pou lé maléwé èk moun ki pòv. Èk i kay sové lavi moun ki pòv. I kay délivwé yo anba enjistis èk vyolans; èk san yo kay ni an pil valè an zyé’y.’—Sam 72:12-14.

Bon. Ki mannyè nou sa moutwé apwésiyasyon nou pou tout sa Jézi ha fè ban nou, èk tout sa i kay fè touswit? Ében yon mannyè nou sa fè sa, sé pou apwann pli konsèné ‘Bon Nouvèl-la konsèné Wéyòm Bondyé’. Anfen, lè Jézi té asou latè-a sé sa i té ka pwéché konsèné. (Louk 4:43) Osi ou sa li atik sala, “Kisa Ki Wéyòm Bondyé?”