Ès Témwen Jéhova Oblijé Bay Ògannizasyon Yo An Sèten Kantité Lajan Toulé Mwa?

Non, Témwen Jéhova pa oblijé bay ògannizasyon yo an sèten kantité lajan toulé mwa. Okontwè, chak moun ka bay sa yo désidé pou bay silon sitiwasyon yo. Mé pouki Témwen Jéhova pa ni pou bay an sèten kantité lajan toulé mwa kon lòt wilizyon ka fè?

Ében koumandman-an pou bay “yonn an chak dis” sété yonn an sé Lwa-a Bondyé té bay nasyon Izwayèl. Kanmenm, Bib-la ka moutwé a klè Kwityen pa anba Lwa sala.—Hibrou 7:5, 18; Kòlòsé 2:13, 14.

Bon, pito Témwen Jéhova bay dis pousan lajan yo èben ofè lofwann, nou ka swiv ègzanp sé Kwityen-an an pwèmyé syèk-la. Konsa nou ka pwéché èk enstwi moun san pèyman, èvèk nou ka fè kontwibyousyon épi tout tjè nou.

Alò, nou ka swiv diwèksyon-an Bib-la ka ban nou an 2 Kòrint 9:7, koté’y ka di: “Chak moun sipozé bay sa i ja fè lidéʼy pou bay. Sé pa pou zòt siyé dèyè lè zòt ka bay, épi sé pa pou zòt bay paski an moun ka fòsé zòt. Bondyé enmen an moun ki ka bay épi tout tjèʼy.”