Gad-la LAYBRI ASOU INTANNÈT-LA
Gad-la
LAYBRI ASOU INTANNÈT-LA
Kwéyòl (Patwa)
  • LABIB
  • PIBLIKASYON
  • MITIN
  • lfb lison 39 p. 96
  • Pwèmyé Wa-a Ki Kondwi An Izwayèl

No video available for this selection.

Sorry, there was an error loading the video.

  • Pwèmyé Wa-a Ki Kondwi An Izwayèl
  • Annou Apwann An Ègzanp Moun Ki An Bib-la
  • Enfòmasyon ki pawèy
  • David Épi Sòl
    Annou Apwann An Ègzanp Moun Ki An Bib-la
Annou Apwann An Ègzanp Moun Ki An Bib-la
lfb lison 39 p. 96
King Saul grabs the hem of Sanmyèl’s coat and it rips

LISON 39

Pwèmyé Wa-a Ki Kondwi An Izwayèl

Jéhova té bay nasyon Izwayèl jij pou djidé yo, mé yo pa té vlé sa. Yo té vlé an wa pito. Konsa yo di Sanmyèl: ‘Tout sé nasyon-an oliwon nou ni wa. Nou vlé yonn.’ Sanmyèl pa té kontan sa pyès, paskè pou li, sa yo té ka mandé pou-a pa té on bon bagay. Konsa Sanmyèl alé palé épi Jéhova an lapwiyè. Jéhova di Sanmyèl: ‘Kouté sé moun-lan, paskè sé pa ou yo ka widjèkté. Sé mwen yo ka widjèkté. Dépi jou-a mwen tiwé yo an Éjip, sé kon sa yo ka tounen do asou mwen. Konsa, fè sa yo mandé’w pou fè-a. Mé, sé pou’w vèti yo. Fè yo konnèt, wa-a kay mandé yo pou fè an chay bagay ba li.’ Lè Sanmyèl di sé moun-lan sa Jéhova té di, yo pa kouté’y. Yo di’y: ‘Nou pa mélé épi sa’w di, sé on wa nou vlé!’

Konsa Jéhova di Sanmyèl, pwèmyé moun-lan ki té kay vini wa an Izwayèl, sé on nonm yo té kwiyé Sòl. Èk lè Sòl alé wè Sanmyèl an Ranma, Sanmyèl vidé lwil asou tèt li pou annonté’y kon wa.

Apwé sa, Sanmyèl asanblé tout jan Izwayèl pou’y moutwé yo ki moun ki wa yo. Mé, lè yo gadé pou Sòl, yo pa wè’y pyès koté. Ès ou konnèt pouki? Ében, sé paski Sòl té ka séwé. Finalman, yo jwenn li. Lè yo mété’y doubout anpami sé moun-lan, Sòl té pli ho pasé yo tout. Èk i sété on boug ki té byen bèl. Anfen, la pa té ni pyès nonm an Izwayèl ki té pli bèl pasé Sòl. Sanmyèl di jan Izwayèl: ‘Mi moun-lan Jéhova chwazi-a.’ Èk sé moun-lan wéponn: ‘Kité wa-a viv!’

Bon, lè Sòl koumansé kondwi, i sété on bon wa, paskè i té ka obéyi Jéhova. Mé, apwé on tan i chanjé. I kité lògèy antwé an tjè’y, èk i koumansé fè bagay i pa té ni pyès dwa pou fè. Pou ègzanp, asou yon lokazyon, Sanmyèl té di Sòl pou èspéyé’y pou sèt «7» jou. Mé Sanmyèl pa té wivé a lè-a i té di i té kay vini-an. Sòl twapé Sanmyèl té ka pwan twòp tan pou vini, konsa i pwan douvan èk i alé ofè sé sakwifis-la. Mé, i pa té ni pyès dwa pou fè sa. Konsa, Sanmyèl di’y: ‘Ou té sipozé obéyi Jéhova, èk ou pa fè’y.’ Ès ou kwè Sòl té kay apwann pou toujou obéyi Jéhova?

Apwé sa, Sòl épi lawmé’y alé goumen épi jan Amalèk. Sanmyèl di Sòl pou tjwé tout sé jan Amalèk-la. Mé Sòl pa kouté Sanmyèl. I désidé pou kité wa péyi Amalèk vivan. Non wa-a sété Égag. Konsa Jéhova di Sanmyèl: ‘Sòl tounen do’y asou mwen. I pa ka kouté mwen.’ Sa fè Sanmyèl tèlman lapenn, i pasé yon nwit antyè ka pléwé douvan Jéhova. Li denmen, i alé gadé pou Sòl, èk i di’y: ‘Ou pa ka obéyi Jéhova. Konsa, Jéhova kay chwazi on lòt moun pou vini wa.’ Apwé Sanmyèl fini bay Sòl konmisyon-an i tounen do’y pou’y kité, mé Sòl tjenbé had li, èk bout had-la déchiwé an lanmen Sòl. Lè sala, Sanmyèl di Sòl: ‘Sé menm kon sa Jéhova ka waché wéyòm-lan an lanmen’w jòdi-a.’ Sa vlé di, Jéhova té kay widjèkté Sòl, èk i té kay chwazi on lòt moun pou vini wa. On moun ki enmen’y, èk ki té kay obéyi’y.

“I otan pli mèyè pou’w obéyi, pasé pou’w ofè on sakwifis.”—1 Sanmyèl 15:22

Sé Kwèstyon-an: Kisa jan Izwayèl mandé pou? Pou ki wézon Jéhova widjèkté Wa Sòl?

1 Sanmyèl 8:1-22; 9:1, 2, 15-17; 10:8, 20-24; 13:1-14; 15:1-35

    Saint Lucian Creole Publications (2012-2025)
    Sòti
    Antwé
    • Kwéyòl (Patwa)
    • Share
    • Pwéféwans
    • Copyright © 2025 Watch Tower Bible and Tract Society of Pennsylvania
    • Kondisyon-an pou sèvi wèbsayt sala
    • Wèg pou ènfòmasyon pwivé
    • Privacy Settings
    • JW.ORG
    • Antwé
    Share