“Ès Bib-la Sa Édéʼw Épi Maladi Ki Ka Diwé?”

Mi Sa Bib-la Ka Di

Wi. Bondyé mélé épi sé sèvant li-a ki malad. Pou ègzanp Bib-la di, lè yon sèvant fidèl Jéhova malad, ‘Jéhova menm kay édéʼy padan i kouché asou kabann li tou malad.ʼ (Sam 41:3) Alò, siʼw ni on maladi ki ka diwé, mi twa (3) bagay ki sa édéʼw pou débat épiʼy:

1. Pwédyé pou fòs pou débat. “Bondyé kay baʼw lapé an tjèʼw épi an lidéʼw.” Sa kay édéʼw pou kontiné débat magwé ou malad.​—Filipay 4:6, 7.

2. Katjilé asou bon bagay. Bib-la di: ‘Lè on moun ni tjè kontan sa kay édéʼy djéwi, mé lè on moun toujou twis i ka pèd fòs li.ʼ (Pwovèb 17:22, Good News Translation) Konsa pasé tan épi moun ki kontan bay blag, moun ki enmen wi, èk osi chonjé bèl blag. Sé bagay sala sa édéʼw ni tjè kontan èk édéʼw santi pli mèyè.

3. Fòtifyé lafwaʼw an pwonmèt Bondyé. Lèʼw ni konfyans an pwonmèt Bondyé sa kay édéʼw ni djèwté magwé ou malad. (Ronm 12:12) Bib-la di nou an tan pou vini pyèsonn pa kay di: ‘Mwen malad.ʼ (Izaya 33:24) Konsa tout maladi dòktè ja éséyé pou djéwi èk yo pasa djéwi, Bondyé kay djéwi yo. Pou ègzanp konsèné moun ki an laj, Bib-la di: ‘Sé pou kòʼy vini pli fwé pasé lèʼy té jenn! Épi sé pouʼy ni fòs menm kon lèʼy té jenn.ʼ—Jòb 33:25

Nòt: Kon Témwen Jéhova, nou sav sé Jéhova tousèl ki sa djéwi tout maladi an tan pou vini. Mé nou osi sav, si nou malad nou ni pou alé oti dòktè. (Mak 2:17) Konsa, nou pa ka di pyèsonn ki kalité twètman médikal pou pwan opa. Chak moun ni dwa-a pou fè chwaʼy.